Hleð Viðburðir

« Allt Viðburðir

  • This event has passed.

Fundur í faghópi um innri endurskoðun fjármálafyrirtækja

30. nóvember, 2017-08:30 - 10:00

Fundur verður haldinn í faghópi um innri endurskoðun fjármálafyrirtækja 30. nóvember næstkomandi kl 8:30 í höfuðstöðvum Landsbankans að Austurstræti 11.* Áætlað er að fundinum ljúki um kl. 10.

Til að koma til móts við óskir félagsmanna höfum við ákveðið að færa fundinn frá 29. nóv. til 30. nóv. kl. 8:30.

Að þessu sinni munum við fjalla um nýja persónuverndarlöggjöf (GDPR) og áhrif hennar á íslensk fjármálafyrirtæki.

Fyrirlesari verður Alma Tryggvadóttir, sérfræðingur í persónurétti hjá Landsbankanum en Alma starfaði áður hjá hjá Persónuvernd í rúm átta ár sem skrifstofustjóri upplýsingaöryggis og þar áður sem lögfræðingur. Þá var Alma settur forstjóri Persónuverndar hluta árs 2015. Alma  lauk lagaprófi frá Háskóla Íslands árið 2009 og útskrifaðist með MBA-gráðu frá sama skóla árið 2016.  Alma hlaut árið 2014 vottun breska staðlaráðsins sem úttektaraðili upplýsingaöryggiskerfa og fékk málflutningsréttindi fyrir héraðsdómi árið 2015.

Í framhaldi af fyrirlestri Ölmu ætlum við í smærri hópum að ræða um hvaða áhrif löggjöfin mun hafa á innri endurskoðun fjármálafyrirtækja og hvers konar úttektir verði æskilegt og/eða nauðsynlegt að framkvæma.

Boðið verður uppá morgunhressingu.

Vinsamlegast tilkynnið þátttöku á fie@fie.is í síðasta lagi á hádegi þriðjudagsins 28. nóvember.

Vonumst til að sjá sem flesta.

Bestu kveðju,

Starfsmenn innri endurskoðunar Landsbankans

*Gengið er inn um inngang í Austurstræti við hlið Laundromat, beint á móti Vínbúðinni.

Upplýsingar

Dagsetn:
30. nóvember, 2017
Tími
08:30 - 10:00

Skipuleggjandi

Björn Snær Atlasson

Staðsetning

Landsbanki Íslands
Austurstræti 11
Reykjavík, Reykjavík 101 Iceland
+ Google Map