Félag um innri endurskoðun

Næsti morgunverðarfundur félagsins verður haldinn á Grand hótel Reykjavík þann 13. maí næstkomandi kl. 8:00. Efni fundarins er: „Nýting ACL í tölvuunninni gagnagreiningu og innri endurskoðun“.

Á fundinum munum við fá að kynnast ACL endurskoðunar- og greiningarkerfinu (www.acl.com).

Þrír fyrirlesarar verða á fundinum þar sem hver um sig mun fara yfir hvernig kerfi virkar og hvernig það er nýtanlegt við gagnagreiningu og innri endurskoðun.

Carsten Cristiansen frá Biszcon í Danmörku, sem er umboðsaðili ACL á Norðurlöndunum. Carsten er upplýsingatæknimenntaður og hefur mikla þekkingu á því að aðstoða við innleiðingu á nýrri tækni og þjálfun. Hann hefur einnig unnið að því að koma á fót norræns samfélags notenda ACL til að notendur lausnanna fái sem mest út úr þeim. Hans fyrirlestur mun fjalla um "How to create value with continuous monitoring and how ACL supports this" og verður fluttur á ensku.

Albert Ólafsson er viðskiptafræðingur að mennt auk þess að hafa lokið CISA og CIA. Hann hefur notað ACL Analytics við gagnagreiningar hjá Ríkisendurskoðun frá árinu 1991. Albert mun fjalla um hvernig nýta megi ACL Analytics við endurskoðun.

Jóhanna María Einarsdóttir er viðskiptafræðingur að mennt, Jóhanna er starfandi innri endurskoðandi Promens hf. en Promens hefur nýtt sér verkferla-og verkstjórnunarkerfishluta fyrir innri endurskoðendur frá ACL GRC við innri endurskoðun.

Athugið að fundurinn hefst aðeins fyrr en venjulega þ.e. kl. 8:20 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi á hádegi 11. maí. Fundargjald er 2.800 kr.

Þátttaka í morgunverðarfundinum gefur 2 endurmenntunareiningar.

FIE vill vekja athygli félagsmanna á ráðstefnu félags Innri endurskoðenda í Tékklandi 4-5 nóvember 2015. Sjá auglýsingu

Innri endurskoðunardaginn verður haldinn föstudaginn 10. apríl nk., kl. 08:00-12:30, á Hilton Reykjavík Nordica.

Dagskrá er sem hér segir :

08:00‒08:20 Skráning

08:20‒ 08:30 Ráðstefnan sett - Sif Einarsdóttir, ritari stjórnar Félags um innri endurskoðun

08:30‒ 09:00 Svik og spilling í viðskiptalífinu - Jenný Stefanía Jensdóttir, stjórnarmaður í Gagnsæi, baráttu gegn spillingu

09:00‒09:30 Samtímaendurskoðun - Er snúið að sjá núið og brattar hlíðar til framtíðar? - Guðmundur I. Bergþórsson, innri endurskoðandi Orkuveitu Reykjavíkur

09:30‒10:00 Samtímaeftirlit hjá Össuri - Ragnheiður Ásgrímsdóttir, sérfræðingur hjá Össuri

10:00‒10:20 Kaffi

10:20‒10:50 Hagnýt notkun samtímaeftirlits - Sveinbjörn Egilsson, forstöðumaður Innri endurskoðunar Icelandair Group

10:50‒11:30 Endurskoðun upplýsingakerfa - Ágúst Hrafnkelsson, innri endurskoðandi Íslandsbanka og Ebenezer Þ. Böðvarsson, öryggisstjóri Borgunar

11:30‒12:00 Í mark á móti straumnum: árangur af innleiðingu innri endurskoðunar hjá Promens - Jóhanna María Einarsdóttir, innri endurskoðandi hjá Promens

12:00‒12:30 Umræður og samantekt

12:30 Ráðstefnuslit

Við vonumst eindregið til að þú getir tekið þátt í þessari áhugaverðu ráðstefnu með okkur.

Vinsamlegast skráðu þig með því að svara tölvupósti fyrir kl. 12 fimmtudaginn 9. apríl nk.

Á þessu ári hafa tveir félagsmenn lokið CIA próf en á því síðasta lauk einn félagsmaður því prófi. Það var Auðbjörg Friðgeirsdóttir sem starfar hjá PwC. Á þessu ári hafa bæði Kristín Baldurdóttir ,innri endurskoðandi Landsbanka Íslands og svo núna, Halldór Pétursson lokið CIA prófinu.

Halldór útskrifaðist sem byggingarverkfræðingur frá Háskóla Íslands 1987. Hann lauk civ.ing. prófi í byggingarverkfræði frá Chalmers Tekniska Högskola 1988 og lic. techn. prófi frá sama skóla 1991. Þá hefur Halldór lokið prófi í verðbréfaviðskiptum. Frá 1991-1995 starfaði hann hjá Orkustofnun við vatnsorkurannsóknir. Frá þeim tíma vann hann að mestu í upplýsingatæknigeiranum við ráðgjöf og sölu og var m.a. framkvæmdastjóri sölusviðs Opinna kerfa árum saman. Á þeim tíma sat hann í stjórnum ýmissa upplýsingatæknifyrirtækja. Þá var hann þróunarstjóri Veðurstofu Íslands frá 2009-2011. Frá 2013 hefur Halldór unnið við innri endurskoðun hjá Arion banka.

Eftir að tilkynnt var um innri endurskoðunardag þann 20 mars í tölvupósti þann 3. mars sl., hafa borist nokkrar ábendingar frá félagsmönnum um að innri endurskoðunardagurinn væri á sama tíma og sögulegur sólmyrkvi hefur boðað komu sína. Áformað er að hann muni hefjast í Reykjavík kl. 8:38, ná hámarki kl. 9:37 og ljúka kl. 10:39 föstudagsmorguninn 20. mars nk.

http://www.mbl.is/frettir/innlent/2015/01/25/myrkvinn_sa_mesti_i_sextiu_ar/

http://www.stjornufraedi.is/solkerfid/solin/solmyrkvi/solmyrkvi-20.-mars-2015/

Ljóst er að þó nokkrir félagsmenn hafa bæði hug á að endurskoða sólmyrkvann og mæta á innri endurskoðunardaginn.

Stjórn FIE hefur nú komist að þeirri niðurstöðu að einfaldara kunni að vera að færa innri endurskoðunardaginn en sólmyrkvann. Því verður hann haldinn föstudaginn 10. apríl nk. í stað 20. mars nk. Allt annað verður óbreytt.

Svo er bara að vona að það verði heiðskírt þann 20. mars nk. og að allir geti horft nægju sína á sólmyrkvann.

Stjórn FIE vonar að þetta komi ekki að sök fyrir þig og að við sjáumst á innri endurskoðunardeginum föstudaginn 10. apríl nk., kl. 08:00 - 12:30, á Hótel Nordica.