Auglýsing um hádegisverðarfund með Anton van Wyk, forseta Alþjóðasamtaka innri endurskoðenda(IIA) 15. júní 2015 kl. 12:00 – 14:00 á Grand Hótel Reykjavík
Minnum á aðalfund FIE á morgun kl. 8:30 til 10 Grand hótel
Venjuleg aðalfundarstörf með morgunverði í boði stjórnar.
Stefnuskjal stjórnar FIE maí 2015
Stefnumótun stjórnar var samþykkt í stjórn eftir almennan fund meðal félagsmanna varðandi framtíðarsýn félagsins.
Innri endurskoðunarmánuður maí 2015
Pistill frá Alþjóðanefnd FIE
Tilkynning um aðalfund FIE 29 maí 2015
Til félagsmanna í Félagi um innri endurskoðun
Aðalfundur Félags um innri endurskoðun verður haldinn föstudaginn 29. maí 2015 og hefst stundvíslega klukkan 08:30. Fundarstaður er Grand Hótel Reykjavík (Háteigur á 4. hæð).
Dagskrá verður í samræmi við 5. gr. samþykkta félagsins:
1. Skýrsla um störf félagsins á liðnu ári.
2. Reikningar félagsins lagðir fram til samþykktar.
3. Breytingar á samþykktum.
4. Kosning stjórnarmanna.
5. Kosning formanna nefnda skv. 7. gr.
6. Kosning skoðunarmanns annað hvert ár.
7. Ákvörðun félagsgjalds.
8. Önnur mál.
Stjórn FIE
Fræðslufundur 13 maí n.k – Nýting ACL í tölvuunninni gagnagreiningu og innri endurskoðun
Næsti morgunverðarfundur félagsins verður haldinn á Grand hótel Reykjavík þann 13. maí næstkomandi kl. 8:00. Efni fundarins er: „Nýting ACL í tölvuunninni gagnagreiningu og innri endurskoðun“.
Á fundinum munum við fá að kynnast ACL endurskoðunar- og greiningarkerfinu (www.acl.com).
Þrír fyrirlesarar verða á fundinum þar sem hver um sig mun fara yfir hvernig kerfi virkar og hvernig það er nýtanlegt við gagnagreiningu og innri endurskoðun.
Carsten Cristiansen frá Biszcon í Danmörku, sem er umboðsaðili ACL á Norðurlöndunum. Carsten er upplýsingatæknimenntaður og hefur mikla þekkingu á því að aðstoða við innleiðingu á nýrri tækni og þjálfun. Hann hefur einnig unnið að því að koma á fót norræns samfélags notenda ACL til að notendur lausnanna fái sem mest út úr þeim. Hans fyrirlestur mun fjalla um "How to create value with continuous monitoring and how ACL supports this" og verður fluttur á ensku.
Albert Ólafsson er viðskiptafræðingur að mennt auk þess að hafa lokið CISA og CIA. Hann hefur notað ACL Analytics við gagnagreiningar hjá Ríkisendurskoðun frá árinu 1991. Albert mun fjalla um hvernig nýta megi ACL Analytics við endurskoðun.
Jóhanna María Einarsdóttir er viðskiptafræðingur að mennt, Jóhanna er starfandi innri endurskoðandi Promens hf. en Promens hefur nýtt sér verkferla-og verkstjórnunarkerfishluta fyrir innri endurskoðendur frá ACL GRC við innri endurskoðun.
Athugið að fundurinn hefst aðeins fyrr en venjulega þ.e. kl. 8:20 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi á hádegi 11. maí. Fundargjald er 2.800 kr.
Þátttaka í morgunverðarfundinum gefur 2 endurmenntunareiningar.