2016 Archives - Page 3 of 4 - Félag um innri endurskoðun

Ráðstefna um gildi innri endurskoðunar 5. apríl Hótel Reykjavík Natura

Góðir stjórnarhættir, áhættustýring og virkt innra eftirlit eru nauðsynlegir þættir til að ná árangri og stuðla að rekstrarhæfi fyrirtækja til framtíðar. Innri endurskoðun er ætlað að viðhalda og auka virði rekstrar með áhættumiðaðri hlutlausri staðfestingu, ráðgjöf og innsýn á því hvernig staðið er að þessum málaflokkum í daglegum rekstri.

Þriðjudaginn 5. apríl nk. mun Félag um innri endurskoðun (FIE) halda kynningarfund um virði innri endurskoðunar fyrir atvinnulífið. Fundurinn verður haldinn á Icelandair Hótel Reykjavík Natura og er fundartími kl. 08:30 – 09:30

Dagskrá:

Ágúst Hrafnkelsson, formaður FIE og innri endurskoðandi Íslandsbanka, opnar fundinn
Hulda Ragnheiður Árnadóttir, framkvæmdastjóri Viðlagatryggingar: reynsla framkvæmdastjórans af innri endurskoðun
Katrín Olga Jóhannesdóttir, formaður Viðskiptaráðs Íslands og formaður endurskoðunarnefndar Icelandair Group: samspil endurskoðunarnefndar og innri endurskoðanda

Fundurinn er öllum opinn, skráning fer fram á fie@fie.is

Innri endurskoðunardagurinn 18 mars 2016

Innri endurskodunardagurinn 2016 var haldinn hátíðlegur í gær, 18.mars. Góð stemning var á fundinum og margur góðir fyrirlesarar. Hér eru nokkrar myndir af ráðstefnunni en glærurnar er að finna á lokuðu svæði fyrir félagsmenn.

Skoðanakönnun IIA vegna tillagna um breytingar á stöðlum

Félagsmenn FIE eru hvattir til þess að taka þátt í vinnu IIA um endurskoðun IPPF staðlanna. Taka má þátt í könnuninni með því að smella hér.

Dagskrá og auglýsing Innri endurskoðunardagsins 2016

Innri endurskoðunardagurinn 2016 verður haldinn hátíðlegur föstudaginn 18. mars næstkomandi á Grand Hótel Reykjavík. Sjá auglýsingu

Innri endurskoðunardagurinn er 18 mars 2016 á Grand hótel

Innri endurskoðunardagurinn 2016 verður haldinn hátíðlegur föstudaginn 18. mars næstkomandi á Grand hótel Reykjavík.

Dagskráin hefst kl. 8 og lýkur kl. 12:30.

Þema dagsins að þessu sinni er leiðtogafærni innri endurskoðandans og eru erindi dagsins fjölbreytt að venju.

Meðal framsögumanna eru Páll Harðarson forstjóri Kauphallarinnar Nasdaq OMX sem mun fjalla um innra eftirlit og stjórnarhætti frá sjónarhóli Kauphallar Íslands, Kristín Baldursdóttir forstöðumaður innri endurskoðunar Landsbankans mun fjalla um fræðslu og áhrif innri endurskoðenda á hagsmunaaðila, fulltrúi frá Fjármálaeftirlitinu mun fjalla um það sem er efst á baugi hjá eftirlitinu, Elmar H Hallgríms lektor í siðfræði frá HÍ mun fjalla um siðferðileg álitaefni og rétt viðbrögð við þeim og að lokum mun Edda Björgvins leikkona kenna okkur áhrifaríkar kynningar með sínum aðferðum.

Boðið verður upp á morgunverð í kaffihléi og er verðið kr. 17.500 fyrir hálfsdags ráðstefnu.

Skráning hefur verið opnuð á fie@fie.is

Námsstyrkur hjá IIA

Sex námsstyrkir fyrir ritgerðir, hver upp á 1000$ er í boði fyrir BS og MS-nema við háskóla alls staðar í heiminum. Sjá nánar hér.