Uppfærsla á kerfum IIA – 25. – 29. september

Kæru félagar

Fyrirhuguð er uppfærsla á kerfum IIA. Hún mun eiga sér stað tímabilið 25. - 29. september nk. (fimmtudagur til mánudags) og á þeim tíma munu öll kerfi IIA liggja niðri.

Athygli félagsmanna er vakin á niðritíma kerfanna, einkum þeirra sem eru þessa dagana að nota Certification Candidate Management System (CCMS) sem mun þá einnig liggja niðri á þessum tíma. Til að forðast raskanir af þessum völdum er hér tækifæri til að bregðast við í tæka tíð. IIA býður félögum sínum enn fremur upp á aðstoð á þessum tíma ef þarf (https://www.pearsonvue.com/us/en/iia.html#contact).

Kerfin verða svo komin upp aftur kl. 13:00 mánudaginn 29. september (9:00 am ET).

Kær kveðja,
Stjórn FIE

Fræðsludagskrá haustsins 2025

Kæru félagsmenn,

Í haust verður boðið upp á fjölbreytta og metnaðarfulla fræðslu. Námskeiðin fara fram á netinu, nema annað sé tekið fram, og eru kennd af reynslumiklum sérfræðingum á sviði innri endurskoðunar, áhættustýringar og stjórnarhátta.

17. september 2025 kl. 16:00 – Á netinu
Beyond Compliance: Driving Impactful Change as Public Sector Internal Auditors – með Harriet Richardson, Pamela J. Stroebel Powers og Sharon Clark

23. september 2025 kl. 09:00 – Á netinu
Radical reporting – með Sara I James

7.–8. október 2025 – Í Osló
2-Day Advanced Operational Risk Workshop – með Elena Pykhova

8. október 2025 – Í Arion banka
Fræðsluviðburður

13. október 2025 – Á netinu
Master the Art of Strategic Influence: Political Savvy for Internal Audit Leaders – með James Paterson

14. október 2025 – Á netinu
Working with other assurance providers, coordination and effective assurance mapping – með John Chesshire

15.–16. október 2025 (4 klst. báða dagana) – Á netinu
An introduction to artificial intelligence for internal auditors, Level 1 – með Stephen Foster

20.–21. október 2025 – Á netinu
Mastering Integrated GRC Frameworks – með James Paterson

23. október 2025 (4 klst.) – Á netinu
AI for IA Beyond the Basics, Level 2 – með Stephen Foster

17. nóvember 2025 – Á netinu
Looking at Audit Ratings and Opinions for Today’s High-Stakes Environment – með James Paterson

20. nóvember 2025 – Á netinu
Strategic Audit Planning: Mastering Best Practices reflecting the new GIAS – með James Paterson

24. nóvember 2025 – Á netinu
Developing an effective Quality Assurance and Improvement Program (QAIP) and getting the most from an External Quality Assessment (EQA) – með John Chesshire

Nánari upplýsingar um öll námskeiðin má finna með því að smella á hlekkina hér að ofan.

Við hvetjum félagsmenn til að nýta tækifærið til að sækja sér fróðleik og efla faglega hæfni sína.

ℹ️ Skráningar- og greiðsluhlekkur verður auglýstur sérstaklega síðar. Félagsmenn fá jafnframt sérstakan afsláttarkóða fyrir námskeiðin.

Íslenskt nám á háskólastigi í innra eftirliti

Kæru félagar!! Það er nú ekki á hverjum degi sem sem nám á háskólastigi í innra eftirliti - innri endurskoðun og regluvörslu býðst hér á landi. Það er hins vegar að gerast þessi misserin!!!

Bifröst University býður nú í haust upp á örnám á sviði innri endurskoðunar og regluvörslu. Reynsluboltarnir Sif Einarsdottir og Rut Gunnarsdottir eru kennarar í þessu námi en þær eru hvor um sig með reynslumeiri sérfræðingum í sínu fagi hér á landi. Það kemur enginn að tómum kofanum þegar þær eru annars vegar.

Fyrir þá sem spyrja sig "hvað er örnám?" þá er hægt að skoða það hér Örnám - Háskólinn á Bifröst

FIE fagnar þessu framtaki auðvitað heilshugar og hvetur félaga í faginu (og vitanlega aðra faglega forvitna) til að kíkja á það hlaðborð þekkingar sem hér er boðið upp á Innra eftirlit - innri endurskoðun og regluvarsla - Háskólinn á Bifröst!!

Kveðja, stjórn FIE

Sýndarhlekkur á IIA global 2025 í Kanada

Kæru félagar

Alþjóðleg ráðstefna IIA verður haldin í Toronto 14. – 16. júlí nk. og spennan magnast. Hlekkur á ráðstefnuna er hér.

Alþjóðasamtökin hafa vakið athygli okkar á því að nú er hægt að sækja ráðstefnuna án þess þó að mæta í eigin persónu.

Samtökin kynna til sviðs "The Main Stage Virtual Pass" (Aðalsýndarpassann!). Passinn er hagkvæm og sveigjanleg leið til að upplifa hugmyndafræði þeirra leiðtoga sem stíga á svið á ráðstefnunni án fyrirhafnarinnar eða kostnaðar við að mæta á staðinn.

Þessi nýja skráningarleið á ráðstefnuna veitir aðgang að öllum fyrirlestrum fyrir aðeins 499 $, ýmist í streymi eða við hentugleik, í allt að 30 daga. Passinn er tilvalinn fyrir þá meðlimi sem eiga síður heimangengt á ráðstefnuna sökum kostnaðar, anna eða af öðrum ástæðum. Sýndarmæting á ráðstefnuna aflar ráðstefnugestinum 6,8 CPE eininga, rétt eins og með því að mæta í raunheimum.

Hlekkurinn á Aðalpassann! er svo hér.

Hafið endilega samband ef það vakna einhverjar spurningar eða ef þið eigið í vandræðum með skráningu.

Morgunverðarfundur 22. maí 2025

Morgunverðarfundur FIE á Hótel Reykjavík Natura þann 22. maí 2025

Dagskrá morgunverðarfundar:

  • Innri endurskoðun, fyrstu skrefin. Björg Ýr Jóhannsdóttir, sérfræðingur í innri endurskoðun Íslandsbanka, fer yfir praktísk atriði sem miðast við fólk sem nýlega hefur hafið störf sem innri endurskoðandi.
  • Efst á baugi í innri endurskoðun á sjálfbærni. Margrét Helga Guðmundsdóttir, verkefnastjóri í sjálfbærniráðgjöf Deloitte, fer yfir nýlegar breytingar regluverks á sviði sjálfbærni.
  • Íslenskunotkun innri endurskoðenda. Þorkell Guðmundsson, sérfræðingur í innri endurskoðun Kviku banka, fer yfir mikilvægi metnaðar í íslensku ritmáli og að hafa gaman af því að nota okkar fallega tungumál.

Hótel Reykjavík Natura, Nauthólsvegur 52 , 101 Reykjavík
Fimmtudaginn 22. maí 2025
Kl. 8:15 - 10:00
CPE: 2

Verð: 1.500 kr. fyrir félagsmenn FIE

Léttar morgunveitingar í boði.

Skráning hér.

Mánuður innri endurskoðunar

Eflið skipulagseininguna. Aukið traust. Bætið árangur.  Það eru áhrif innri endurskoðunar.

Innri endurskoðun kemur á skilvirkri nálgun við að meta og bæta stjórnarhætti, áhættustýringu og eftirlitsferla. Innri endurskoðun styrkir skipulagseininguna innan frá.

Viljið vita hvernig innri endurskoðun eykur virði þvert á atvinnugreinar? Sjáið nánar á  www.theiia.org  www.fie.is

#OneIIA  #InternalAuditMonth