Félag um innri endurskoðun

QAIL er ný vottun frá IIA. Þessi vottun er sérstaklega hugsuð fyrir stjórnendur innri endurskoðunardeilda hjá fyrirtækjum og stofnunum. Þróun og vöxtun innri endurskoðunar í nútímaumhverfi gerir kröfu um nýja tegund leiðtoga.  Leiðtoga sem stjórnar afkastamiklu teymi sem skila af sér virðisaukandi og áhættustýrðri vinnu sem stendur undir væntingum og þörfum innri og ytri hagsmunaðila.  IIA hefur þróað vottun fyrir stjórnendur innri endurskoðenda sem eru tilbúnir í að fara þessa vegferð til betri þjónustu.

QIAL mun hjálpa þinni framþróun sem stjórnandi í innri endurskoðun og útvega þér sjálfsöryggi og trúverðugleika í eftirfarandi þáttum:

• Stjórnun innri endurskoðunar
• Stjórnvísi innan skipulagsheildar
• Stjórnun sem byggir á viðurkenndum siðareglum
• Stjórnun sem byggir á nýjungum og breytingastjórnun

Tengist inn á CCMS til að hefja umsóknarferli eða hafið samband við QIAL@theiia.org til að fá leiðbeiningar.

Nánari upplýsingar um QIAL vottun er að finna á heimasíðu IIA

Opin námskeið á meistarastigi fyrir félagsmenn FIE

Háskólinn í Reykjavík opnar námskeið á meistarastigi tengd reikningshaldi og endurskoðun fyrir félagsmenn í Félagi um innri endurskoðun (FIE). FIE metur námskeiðin til endurmenntunar og veitir félagsmönnum CPE einingar fyrir að sitja námskeiðin.

Eftirfarandi námskeið eru í boði á haustönn 2016:

Áhugaverð grein um 7 helstu mistök við framkvæmd innri endurskoðunar.

Laugardaginn 9. júlí sl. barst okkur sú frétt að félagi okkar Ástráður Karl Guðmundsson hefði látist fyrr um daginn eftir skamma dvöl á sjúkrahúsi aðeins 56 ára að aldri.

Ástráður starfaði til margra ára hjá Tollstjóra og gegndi síðustu árin stöðu innri endurskoðanda. Ástráður gerðist félagsmaður í Félagi um innri endurskoðun fljótlega eftir að hann tók við starfi innri endurskoðanda. Hann hafði mikinn áhuga á framgangi innri endurskoðunar sem faggreinar og tók virkan þátt í störfum félagsins. Ástráður tók þátt í störfum alþjóða- og staðlanefndar félagsins um árabil og var formaður nefndarinnar frá árinu 2014 til 2016. Hann tók jafnframt þátt í að koma á samstarfi þeirra sem starfa við innri endurskoðun hjá tollstjóraembættum á Norðurlöndum, en slíkt samstarf er mikilvægt til að byggja upp góða þekkingu og miðla reynslu milli þeirra sem starfa á þessum vettvangi.

Við minnumst Ástráðs, eða Kalla eins og sumum okkar var gjarnt að kalla hann, sem fróðs og skemmtilegs félaga þar sem stutt var í húmorinn. Það var orðin árleg hefð að á aðalfundi legði hann til hækkun félagsgjalda umfram það sem stjórn lagði til og var sú tillaga ávallt felld, þar til á aðalfundinum í vor þar sem breytingartillaga Ástráðs var samþykkt. Á þeim aðalfundi upplýsti Kalli að hann ætlaði að taka sér stutt hlé frá nefndarstörfum til að vinna á heilsubresti, en að hann kæmi að fullum krafti til baka að nýju. Ekki grunaði okkur þá að hann yrði kallaður á braut svo fljótt.

Við fráfall Ástráðs Karls sér Félag um innri endurskoðun á bak góðum félaga. Félagsmenn þakka störf hans og minnast hans með virðingu. Við sendum fjölskyldu hans og vinum hugheilar samúðarkveðjur.

Stjórn Félags um innri endurskoðun

Í hverjum mánuði þá er tilboð fyrir félagsmenn IIA á fræðiritum hjá bóksölu IIA. Í þessum mánuði er það :

Munið eftir því að setja inn kóðann  INSTITUTE við pöntun til að spara  20% af kaupverði á þessari bók. Tilboðið gildir til 31. júlí og gildir einungis fyrir eBækur og PDF.