Félag um innri endurskoðun

Innri endurskoðunardaginn verður haldinn föstudaginn 10. apríl nk., kl. 08:00-12:30, á Hilton Reykjavík Nordica.

Dagskrá er sem hér segir :

08:00‒08:20 Skráning

08:20‒ 08:30 Ráðstefnan sett - Sif Einarsdóttir, ritari stjórnar Félags um innri endurskoðun

08:30‒ 09:00 Svik og spilling í viðskiptalífinu - Jenný Stefanía Jensdóttir, stjórnarmaður í Gagnsæi, baráttu gegn spillingu

09:00‒09:30 Samtímaendurskoðun - Er snúið að sjá núið og brattar hlíðar til framtíðar? - Guðmundur I. Bergþórsson, innri endurskoðandi Orkuveitu Reykjavíkur

09:30‒10:00 Samtímaeftirlit hjá Össuri - Ragnheiður Ásgrímsdóttir, sérfræðingur hjá Össuri

10:00‒10:20 Kaffi

10:20‒10:50 Hagnýt notkun samtímaeftirlits - Sveinbjörn Egilsson, forstöðumaður Innri endurskoðunar Icelandair Group

10:50‒11:30 Endurskoðun upplýsingakerfa - Ágúst Hrafnkelsson, innri endurskoðandi Íslandsbanka og Ebenezer Þ. Böðvarsson, öryggisstjóri Borgunar

11:30‒12:00 Í mark á móti straumnum: árangur af innleiðingu innri endurskoðunar hjá Promens - Jóhanna María Einarsdóttir, innri endurskoðandi hjá Promens

12:00‒12:30 Umræður og samantekt

12:30 Ráðstefnuslit

Við vonumst eindregið til að þú getir tekið þátt í þessari áhugaverðu ráðstefnu með okkur.

Vinsamlegast skráðu þig með því að svara tölvupósti fyrir kl. 12 fimmtudaginn 9. apríl nk.

Á þessu ári hafa tveir félagsmenn lokið CIA próf en á því síðasta lauk einn félagsmaður því prófi. Það var Auðbjörg Friðgeirsdóttir sem starfar hjá PwC. Á þessu ári hafa bæði Kristín Baldurdóttir ,innri endurskoðandi Landsbanka Íslands og svo núna, Halldór Pétursson lokið CIA prófinu.

Halldór útskrifaðist sem byggingarverkfræðingur frá Háskóla Íslands 1987. Hann lauk civ.ing. prófi í byggingarverkfræði frá Chalmers Tekniska Högskola 1988 og lic. techn. prófi frá sama skóla 1991. Þá hefur Halldór lokið prófi í verðbréfaviðskiptum. Frá 1991-1995 starfaði hann hjá Orkustofnun við vatnsorkurannsóknir. Frá þeim tíma vann hann að mestu í upplýsingatæknigeiranum við ráðgjöf og sölu og var m.a. framkvæmdastjóri sölusviðs Opinna kerfa árum saman. Á þeim tíma sat hann í stjórnum ýmissa upplýsingatæknifyrirtækja. Þá var hann þróunarstjóri Veðurstofu Íslands frá 2009-2011. Frá 2013 hefur Halldór unnið við innri endurskoðun hjá Arion banka.

Eftir að tilkynnt var um innri endurskoðunardag þann 20 mars í tölvupósti þann 3. mars sl., hafa borist nokkrar ábendingar frá félagsmönnum um að innri endurskoðunardagurinn væri á sama tíma og sögulegur sólmyrkvi hefur boðað komu sína. Áformað er að hann muni hefjast í Reykjavík kl. 8:38, ná hámarki kl. 9:37 og ljúka kl. 10:39 föstudagsmorguninn 20. mars nk.

http://www.mbl.is/frettir/innlent/2015/01/25/myrkvinn_sa_mesti_i_sextiu_ar/

http://www.stjornufraedi.is/solkerfid/solin/solmyrkvi/solmyrkvi-20.-mars-2015/

Ljóst er að þó nokkrir félagsmenn hafa bæði hug á að endurskoða sólmyrkvann og mæta á innri endurskoðunardaginn.

Stjórn FIE hefur nú komist að þeirri niðurstöðu að einfaldara kunni að vera að færa innri endurskoðunardaginn en sólmyrkvann. Því verður hann haldinn föstudaginn 10. apríl nk. í stað 20. mars nk. Allt annað verður óbreytt.

Svo er bara að vona að það verði heiðskírt þann 20. mars nk. og að allir geti horft nægju sína á sólmyrkvann.

Stjórn FIE vonar að þetta komi ekki að sök fyrir þig og að við sjáumst á innri endurskoðunardeginum föstudaginn 10. apríl nk., kl. 08:00 - 12:30, á Hótel Nordica.

Innri endurskoðunardagurinn verður haldinn föstudaginn 20. mars nk., kl. 08:00 - 12:30, á Hótel Nordica.

Dagskráin verður fjölbreytt, m.a. verður fjallað um innri endurskoðun hjá alþjóðlegu framleiðslufyrirtæki og sagðar reynslusögur af samtímaeftirliti.

Endanleg dagskrá verður send út í byrjun næstu viku en við hvetjum félagsmenn hér með til að taka daginn frá.

Fyrsta fréttabréf FIE 2015 er komið út og hefur verið sett inn í fréttabréfstenglasafn vinstra megin á þessari síðu. Þar er að finna margvíslegan fróðleik um starfsemi félagsins og tilkynningu um tvo nýja faggilta innri endurskoðendur (CIA). Það eru þær Auðbjörg Friðgeirsdóttir og Kristín Baldursdóttir.

Næsti morgunverðarfundur félagsins verður haldinn á Grand hótel Reykjavík þann 10. febrúar næstkomandi kl. 8:00.

Efni fundarins er: „Rafmyntir og framtíð peninga“.

Á fundinum munum við fá að kynnast Bitcoin og skyldum myntum og hvernig þróunin hefur verið í peningamálum.

Tveir sérfræðingar fjalla um efnið, hvor með sína nálgun.

Sveinn Valfells er eðlisfræðingur og hagfræðingur að mennt. Hann hefur verið starfsmaður, stofnandi, ráðgjafi eða fjárfestir í sprotafyrirtækjum og sjóðum, meðal annars deCode genetics, Atlas Genetics, Ingenuity Systems, Dímon, Íslandssíma, Arctic Ventures og IQ Capital. Sveinn keypti sína fyrstu Bitcoin árið 2011. Viðtöl og tilvitnanir í Svein hafa birst í Coindesk, the Guardian, FT, WSJ, BBC Radio 2, BBC Radio 4, BBC Newsnight, BBC World News, CNN og CNBC.

Jón Helgi Egilsson er verkfræðingur og hagfræðingur að mennt. Hann hefur stofnað, stýrt og fjárfest í sprotafyrirtækjum og hefur kennt nýsköpunar og fjármálatengd námskeið við háskóla. Hann er starfandi formaður bankaráðs Seðlabanka Íslands og hefur ritað fjölda greina um efnahagsmál og kynnt sér Bitcoin og tengda tækni.

Fyrirlesararnir þekkja mjög vel til þessara mála og því er mikill fengur að fá þá á morgunverðarfund hjá félaginu. Athugið að fundurinn hefst aðeins fyrr en venjulega þ.e. kl. 8:20 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi á hádegi 4. febrúar. Fundargjald er 2.800 kr.

Þátttaka í morgunverðarfundinum gefur 2 endurmenntunareiningar.