Í júlí n.k. mun IIA halda árlega alþjóðaráðstefnu sína (International Conference) í London. Alþjóðaráðstefnur IIA eru stærstu viðburðir sem haldnir eru á vegum samtakanna ár hvert. Mjög fróðlegt getur verið að sækja slíkar ráðstefnur. Við viljum benda félagsmönnum á að í ár er staðsetning ráðstefnunnar sérstaklega hagstæð fyrir félagsmenn FIE því tiltölulega stutt er að fara fyrir okkur á ráðstefnuna í ár þar sem hún verður haldin í London. Nánari upplýsingar um alþjóðaráðstefnuna má finna á heimasíðu ráðstefnunnar: http://ic.globaliia.org

Annar morgunverðarfundur vetrarins verður haldinn á Grand hótel Reykjavík þann 29. janúar næstkomandi. Að þessu sinni verður efni fundarins: „Gagnaleki og gagnastuldur – netöryggi“ og munu tveir sérfræðingar fjalla um efnið hvor með sína nálgun en þeir munu nálgast efnið út frá sjónarhóli innri endurskoðenda og hvaða atriðum þeir þurfa að vera vakandi fyrir í þeim fyrirtækjum þar sem þeir starfa.

Fyrst mun Úlfar Andri Jónasson sérfræðingur í upplýsingaöryggi hjá Deloitte fjalla um hvað innri endurskoðendur þurfa að hafa helst í huga um varnir gegn gagnaleka og gagnastuldi. Fjallað verður um nauðsyn upplýsingaöryggisstefnu fyrirtækja, meðal annars atriða eins og lykilorðastefnu, dulkóðun tölva og snjalltækja. Einnig er komið inn á netárásir og hvernig fyrirtæki geta varist slíkum árásum.

Næstur mun Jón Kristinn Ragnarsson, ráðgjafi í áhættustjórnun, upplýsingaöryggi og upplýsingatækni hjá Capacent fjalla um skýjalausnir. Farið verður yfir hvernig skýja lausnir eru helst notaðar af fyrirtækjum og stofnunum, hverjir eru kostnirnir og hverjar eru hætturnar? Skoðað verður hvað innri endurskoðendur þurfa að hafa í huga nú þegar enn fleiri aðilar leitast við að flytja gögn sín í hið óræða en margumrædda ský.

Fræðslunefnd vonast eftir betri þátttöku á morgunfundinn 29. janúar en síðasta fund þar sem að mati fræðslunefndar er um að ræða efni sem ætti að höfða til allra félagsmanna. Sérstaklega eftir nýjustu fréttir um netárásir á heimasíður íslenskra fyrirtækja.

Fundurinn hefst kl. 8:30 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi á hádegi 27. janúar. Fundargjald er 2.800 kr.

Kveðja, fræðslunefnd

Fundinn hefur verið ný dagsetning fyrir fyrsta morgunverðarfund vetrarins: 4. desember á Grand Hótel Reykjavík.

Fyrirlesarar að þessu sinni eru þrír talsins.  Gréta Gunnarsdóttir, CIA, sérfræðingur í innri endurskoðun hjá Íslandsbanka  mun fræða okkur um núverandi CIA prófunarferilinn en Gréta lauk nýverið prófunum og er nýjasti félagsmaður FIE með CIA vottunina. Þá mun Anna Margrét Jóhannesdóttir, CIA, CRMA, taka við og fara yfir hvaða endurmenntunarleiðir eru í boði til að viðhalda gráðunni og skil á endurmenntunareiningum. Nanna Huld Aradóttir, CIA fer að lokum yfir breytingar á lagaumhverfi þar sem gerðar eru kröfur um sérþekkingu í innri endurskoðun.

Fundurinn hefst kl. 8:30 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi 2.desember. Fundargjald er 2.800 kr.

Kveðja,

fræðslunefnd

Fræðslunefnd hefur tekið saman fréttabréf FIE.
Í fréttabréfinu má finna umfjöllun um fyrsta morgunverðarfund vetrarins sem verður 20. nóvember, kynningu á félagsmönnum, pistil frá stjórn FIE ásamt fleiru.
Fréttabréfið má nálgast hér

Haustráðstefna Félags um innri endurskoðun verður haldin dagana 9.-11. október næstkomandi á Icelandair hótel Reykjavík Natura.  Fyrirkomulag ráðstefnunnar verður þannig að kennt er frá 12:00-16:00  9. október, 08:30-16:30 10. október og 08:30-12:00 11. október. Yfirskrift ráðstefnunnar verður: Mat á áhættustýringarferlum fyrirtækis þíns (e. Assessing Your Organization’s Risk Management Process ). Námskeiðið er á vegum IIA og fyrirlesari verður Donald Espersen, CIA, CRMA.

Skráning er hafin á fie@fie.is. Vinsamlegast sendið upplýsingar um þátttakanda, kennitölu, símanúmer og netfang. Einnig netfang og upplýsingar um greiðanda ef greiðandi er annar en þátttakandi. Greiðanda verður sendur greiðsluseðill.

Skráningu lýkur 1. október 2013.

Haustráðstefna Félags um innri endurskoðun verður haldin dagana 9.-11. október næstkomandi.  Fyrirkomulag ráðstefnunnar verður þannig að kennt er eftir hádegi 9., allan daginn 10. og fyrir hádegi 11. október.

Yfirskrift ráðstefnunnar verður: Mat á áhættustýringarferlum fyrirtækis þíns (e. Assessing Your Organization’s Risk Management Process ). Námskeiðið er á vegum IIA og fyrirlesari verður Donald Espersen, CIA, CRMA.

Ráðstefnan veitir 16 endurmenntunareiningar (CPE).

Takið dagana frá, nánari upplýsingar berast bráðlega.

kveðja,

fræðslunefnd