Síðustu forvöð til að skrá sig á ráðstefnu Evrópusamtaka innri endurskoðenda (ECIIA) eru til 15. maí nk. Ráðstefnan verður haldin í Basel í Sviss dagana 21. og 22. september 2017.
Nánar um ráðstefnuna og skráningu á www.eciiabasel2017.eu
Gerð áhættumiðaðra endurskoðunaráætlana – glærur
Fundur faghóps um innri endurskoðun fjármálafyrirtækja var haldinn í höfuðstöðvum Landsbankans að morgni 4. maí 2017. Á fundinum fóru innri endurskoðendur Arion banka, Íslandsbanka og Landsbankans yfir aðferðafræði sem beitt er við gerð áhættumiðaðra endurskoðunaráætlana hjá bönkunum þremur.
Glærur af fundinum má nálgast hér.
Fréttir frá Global Council 2017
GLOBAL COUNCIL 2017
Global Council er ársfundur Alþjóðasamtaka innri endurskoðenda og fór hann fram að þessu sinni í Róm í lok febrúar sl. Á fundinum voru 160 þátttakendur frá 80 aðildarfélögum um heim allan og starfsmenn og fulltrúar í nefndum og stjórn Alþjóðasamtakanna. Ingunn Ólafsdóttir, stjórnarmaður og innri endurskoðandi Háskóla Íslands, var fulltrúi aðildarfélagsins á Íslandi.
Á dagskrá fundarins var endurskoðun á stefnu samtakanna (2015-2020) og viðhorf hagsmunaaðila til innri endurskoðunar. Þátttakendum var skipt upp í nokkrar umræðuhópa og er hægt að nálgast samantektina og glærur á heimasíðu fundarins: https://global.theiia.org/about/about-the-iia/Pages/Global-Council.aspx
Næsti ársfundur verður haldinn í Panama City, 4-7. febrúar 2018.
Innri endurskoðunardagurinn 24. mars 2017
Hinn árlegi Innri endurskoðunardagur var haldinn með pompi og prakt þann 24. mars 2017. Að þessu sinni var þema dagsins "Persónuvernd og skýjalausnir" og þeir fyrirlestrar sem voru á dagskrá tóku mið af öllum þáttum þessa þema.
Helga Þórisdóttir forstjóri Persónuverndar flutti fyrirlestur um persónuvernd og lykilhlutverk hennar í rekstri fyrirtækja og stofnana. Ægir Þórðarson deildarstjóri UT rekstrar hjá Landsbankanum fjallaði um áskoranir við að framfylgja persónuvernd viðskiptavina bankans meðan Marcel Kyas lektor við tölvunarfræðideild Háskóla Reykjavíkur tók á skýjalausnum og þeim tæknilegum þáttum og álitaefnum sem varða þær lausnir sérstaklega. Ágústa Berg fjallaði svo um niðurstöður alþjóðlegrar könnunar EY um netöryggi og viðhorf fyrirtækja til þess málaflokks. Andrés Jónsson fór svo yfir krísustjórnun í kjölfar gagnaleka.
[crellyslider alias="innri_endurskoðunardagurinn_24_mars_2017"]
Þessi fyrirlestar og aðrir eru aðgengilegir fyrir félagsmenn á lokuðu vefsvæði félagsins.
Ráðstefna IIA – Poland 7-9 Júní 2017
Systursamtök okkar í Póllandi IIA-Poland, hafa beðið okkur að kynna ráðstefnu sína sem haldin verður í Holiday Inn Hotel, Józefów, Varsjá þann 07-09 Júní 2017.Smellið á myndina hér að neðan til að tengjast inn á vefsíðu viðburðarins.
Innri endurskoðun er líka #Kvennastarf
Útdráttur greinar úr CBOK ritröð IIA sem fjallar um konur í Innri endurskoðun.
Heimild: „Women in Internal Auditing – Perspectives from Around the World“ e. Margaret Christ PhD, CIA.
Í CBOK könnun árið 2015 kom í ljós að konur eru stór hluti innri endurskoðenda á heimsvísu. Hins vegar er töluverður munur á konum og körlum þegar kemur að starfsframa innan stéttarinnar. Hér verður stiklað á stóru og farið yfir það hvar konur standa almennt á heimsvísu, skv. niðurstöðum könnunarinnar og einnig hvernig konur megi frekar ná árangursríkum starfsframa í innri endurskoðun.
Alls tóku rúmlega 5.400 konur þátt í könnuninni sem jafngildir 38% af heildarsvörun. 31% svarenda í hópi forstöðumanna innri endurskoðunar (þ.e. CAE) voru konur. Hlutfall kvenna var mjög mismunandi á milli einstakra heimshluta en almennt samanstóðu svör kvenna af yngri svarendum í lægri stöðum á móti eldri svarendum meðal karla auk þess sem þeir voru frekar í einhvers konar stjórnendastöðum. Þegar þessi hópur kvenna eldist munu líklega fleiri konur fara í stjórnendastöður, en svör tengd starfsþróun gáfu til kynna að konur væru ólíklegri til að bæta við þekkingu sína í skóla eða innan faglegra sérsviða, auk þess sem þær mátu sjálfar sig lægra en karlar í öllum 10 lykil hæfnisþáttum IIA . (meira…)