Félag um innri endurskoðun

Haustráðstefna Félags um innri endurskoðun verður haldin dagana 9.-11. október næstkomandi.  Fyrirkomulag ráðstefnunnar verður þannig að kennt er eftir hádegi 9., allan daginn 10. og fyrir hádegi 11. október.

Yfirskrift ráðstefnunnar verður: Mat á áhættustýringarferlum fyrirtækis þíns (e. Assessing Your Organization’s Risk Management Process ). Námskeiðið er á vegum IIA og fyrirlesari verður Donald Espersen, CIA, CRMA.

Ráðstefnan veitir 16 endurmenntunareiningar (CPE).

Takið dagana frá, nánari upplýsingar berast bráðlega.

kveðja,

fræðslunefnd

Núna í sumar hafa 4 félagsmenn náð merkum áföngum.  Gréta Gunnarsdóttir hefur fengið CIA vottun í innri endurskoðun.  Gréta er sú 16. sem nær þessum merka áfanga.

Anna Margrét Jóhannesdóttir, Ágúst Hrafnkelsson og Kundan R. Mishra hafa fengið CRMA vottun í áhættustjórnun (Certification in Risk Management Assurance)

Við óskum þeim öllum innilega til hamingju með árangurinn.

Systurfélög FIE í Noregi og Svíþjóð hafa boðað til norræns fundar innri endurskoðenda (IIA Nordic and Baltic Industry Networking) sem halda á í Oslo þann 5. nóvember n.k.  Félagsmenn eru hvattir til þess að kynna sér þenna áhugaverða vettvang fyrir samvinnu.  Nánari upplýsingar um viðburðin má finna á heimasíðu Norsk félagsins.

Félag um innri endurskoðun var stofnað árið 2003 og er faglegur samstarfsvettvangur þeirra sem starfa við innri endurskoðun og skyld störf á Íslandi. Félagið er aðili að alþjóðasamtökum innri endurskoðenda, The Institute of Internal Auditors.

Alþjóðasamtök innri endurskoðenda (IIA) hafa um árabil þróað og gefið út margs konar leiðbeiningar og fræðsluefni varðandi faglega framkvæmd innri endurskoðunar. Hornsteinn þessa efnis eru skilgreining á innri endurskoðun, alþjóðlegir staðlar um innri endurskoðun og siðareglur innri endurskoðenda. Fjármálaeftirlitið hefur í leiðbeinandi tilmælum sínum vísað til staðlanna varðandi góða framkvæmd við innri endurskoðun, líkt og Basel-nefndin um bankaeftirlit gerir í sínum tilmælum varðandi framkvæmd innri endurskoðunar.

Félag um innri endurskoðun hefur staðið fyrir þýðingu alþjóðlegu staðlanna, skilgreiningarinnar og siðareglum innri endurskoðenda. Með útkomu þýðingarinnar eykst notagildi staðlanna hér á landi, þar sem auðveldara verður fyrir marga félagsmenn að kynna sér þá á íslensku og vitna til þeirra í ræðu og riti. Íslenska þýðingin er aðgengileg hérna á vefsíðu félagins www.fie.is og á vefsíðu alþjóðasamtakanna www.global.theiia.org.

Félagsmenn geta nú nálgast glærur frá síðasta morgunverðarfundi undir "Lokað svæði" hér á síðunni.

Vert er að vekja athygli félagsmanna á alþjóðaráðstefnu IIA sem haldin verður daganna 14-17 júlí n.k. í Orlando, Florída í Bandaríkjunum. Alþjóðaráðstefna IIA er stærsti viðburður samtakana ár hvert.  Nánari upplýsingar um ráðstefnuna má finna á heimasíðu hennar.