Félag um innri endurskoðun

Systurfélög FIE í Noregi og Svíþjóð hafa boðað til norræns fundar innri endurskoðenda (IIA Nordic and Baltic Industry Networking) sem halda á í Oslo þann 5. nóvember n.k.  Félagsmenn eru hvattir til þess að kynna sér þenna áhugaverða vettvang fyrir samvinnu.  Nánari upplýsingar um viðburðin má finna á heimasíðu Norsk félagsins.

Félag um innri endurskoðun var stofnað árið 2003 og er faglegur samstarfsvettvangur þeirra sem starfa við innri endurskoðun og skyld störf á Íslandi. Félagið er aðili að alþjóðasamtökum innri endurskoðenda, The Institute of Internal Auditors.

Alþjóðasamtök innri endurskoðenda (IIA) hafa um árabil þróað og gefið út margs konar leiðbeiningar og fræðsluefni varðandi faglega framkvæmd innri endurskoðunar. Hornsteinn þessa efnis eru skilgreining á innri endurskoðun, alþjóðlegir staðlar um innri endurskoðun og siðareglur innri endurskoðenda. Fjármálaeftirlitið hefur í leiðbeinandi tilmælum sínum vísað til staðlanna varðandi góða framkvæmd við innri endurskoðun, líkt og Basel-nefndin um bankaeftirlit gerir í sínum tilmælum varðandi framkvæmd innri endurskoðunar.

Félag um innri endurskoðun hefur staðið fyrir þýðingu alþjóðlegu staðlanna, skilgreiningarinnar og siðareglum innri endurskoðenda. Með útkomu þýðingarinnar eykst notagildi staðlanna hér á landi, þar sem auðveldara verður fyrir marga félagsmenn að kynna sér þá á íslensku og vitna til þeirra í ræðu og riti. Íslenska þýðingin er aðgengileg hérna á vefsíðu félagins www.fie.is og á vefsíðu alþjóðasamtakanna www.global.theiia.org.

Félagsmenn geta nú nálgast glærur frá síðasta morgunverðarfundi undir "Lokað svæði" hér á síðunni.

Vert er að vekja athygli félagsmanna á alþjóðaráðstefnu IIA sem haldin verður daganna 14-17 júlí n.k. í Orlando, Florída í Bandaríkjunum. Alþjóðaráðstefna IIA er stærsti viðburður samtakana ár hvert.  Nánari upplýsingar um ráðstefnuna má finna á heimasíðu hennar.

Fræðslunefnd hefur tekið saman fréttabréf FIE.
Í fréttabréfinu má finna umfjöllun um innri endurskoðunardaginn, pistla frá afmælisnefnd og stjórn FIE ásamt fleiru.
Fréttabréfið má nálgast hér

Síðasti morgunverðarfundur fræðslunefndar FIE þetta starfsárið verður haldinn fimmtudaginn 23. maí á Grand Hótel Reykjavík í Háteigi A á 4. hæð. Að þessu sinni fáum við til okkar Kjetil Kristensen yfirmann frá Ernst & Young í Noregi en umfjöllunarefni hans er um strauma og stefnur í innri endurskoðun undir yfirskriftinni "The future of internal audit is now". Einnig mun Ágúst Hrafnkelsson, innri endurskoðandi Íslandsbanka og formaður alþjóðanefndar FIE, kynna fyrir okkur íslenska þýðingu á stöðlum og siðareglum IIA en þeir koma út nú í maí mánuði.

Fundurinn hefst kl. 8:30 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi 21. maí. Fundargjald er 2.500 kr.