The Institute of Internal Auditors Iceland
Haustráðstefna FIE verður haldin dagana 4. og 5. október n.k. á Grand Hótel Reykjavík. Yfirskrift ráðstefnunnar verður: Stjórnun sviksemis– og misferlisáhættu. (e. Managing the risk of fraud and corruption). Fyrirlesari verður Nigel Iyer (BSc, MA, ACA). Nigel er meðeigandi hjá Septia Group og kennari við University of Leicester School of Management.
Skráning er hafin á fie@fie.is Ráðstefnan veitir 16 endurmenntunareiningar (CPE). Nánari upplýsingar má finna hérna.
Þau ánægjulegu tíðindi voru að berast félaginu að Viðar Kárason hafi náð CIA gráðunni. Hann er 14. íslendingurinn sem nær gráðunni. Viðar starfar hjá innri endurskoðun Íslandsbanka. Félagið óskar Viðari innilega til hamingju með þennan stóra áfanga.
Fræðslunefnd hefur tekið saman fréttabréf FIE sem hefur að geyma ýmis áhugaverð atriði. Fréttabréfið má nálgast hér.
Aðalfundur Félags um innri endurskoðun verður haldinn fimmtudaginn 24. maí
2011 kl. 15:00. Fundarstaður er Grand Hótel Reykjavík.
Dagskrá samkvæmt samþykktum félagsins:
1. Skýrsla um störf félagsins á liðnu ári
2. Reikningar félagsins lagðir fram til samþykktar
3. Breytingar á samþykktum – engar tillögur lagðar fram
4. Kosning stjórnar
5. Kosning formanna nefnda
6. Kosning endurskoðanda annað hvert ár
7. Ákvörðun félagsgjalds
8. Önnur mál
Stjórn félagsins hvetur alla félagsmenn til að mæta á fundinn og taka
virkan þátt í störfum félagsins. Á fundinum verður jafnframt leitað eftir
áhugasömum aðilum til að taka þátt í nefndarstörfum og vera leiðandi í
störfum sérfræðihópa.
Boðið verður upp á léttar veitingar í lokfundar.
Reykjavík, 4. maí 2012
Stjórn Félags um innri endurskoðun
Erum við dúfur, uglur, svanir eða páfuglar í landi mörgæsa? Eða bara flottir og faglegir innri endurskoðendur sem vilja ná meiri árangri og ánægju í leik og starfi?
Á þessum fundi ætlum við að skoða okkur sjálf, hvernig við nálgumst verkefni okkar, samskipti við samstarfsfólk o.fl. í alveg nýju ljósi. Með því að skoða okkur sjálf og fólkið í kringum okkur og bera það saman við ólíkar fuglategundir getum við öðlast nýjan skilning á því hversu gott það í rauninni er að við erum jafn ólík og raun ber vitni. Við skoðum hvernig við getum nýtt okkur það á ýmsa vegu og þannig aukið árangur okkar og ánægju.
Fyrirlesari verður Herdís Pála páfugl Pálsdóttir, MBA og B.Ed. Hún starfar sem markþjálfi, kennari/fyrirlesari og ráðgjafi. Síðast liðin 12 ár hefur hún aðallega starfað við mannauðsmál, en einnig rekstrarmál o.fl., þar af 10 ár í bankageiranum.
Fundurinn verður haldinn á Grand Hótel þriðjudaginn 15. maí 2012 og hefst kl. 8:30. Verð kr. 2.500 krónur. Vinsamlegast skráið ykkur til þátttöku á fie@fie.is fyrir 14.maí.
Dokkan býður félagsmönnum FIE að sækja fræðslufund um áhættugreinda endurskoðun og áhættustýringu - þeim að kostnaðarlausu.
Sjá auglýsingu hér á Dokkunni.
Erindi Guðjóns verður á svipuðum nótum og erindi hans á febrúarfundi FIE en frá sjónarhorni áhættustýringar hjá fyrirtækjum - m.a. verður fjallað um hvernig þeir sem starf við áhættustýringar hjá fyrirtækjum þurfi að útbúa áhættumöt til að mæta kröfum innri endurskoðenda.