Ný ráðgefandi tilmæli frá IIA varðandi spillingu og mútugreiðslur og baráttu gegn því.
Niðurfelld prófgjöld fyrir CRMA og CCSA próf
Í takmarkaðan tíma þá fellur IIA niður próftökugjöld fyrir bæði Certification in Risk Management Assurance® (CRMA®) og Certification in Control Self-Assessment® (CCSA®) prófgráður. Tilboð þetta gildir frá 1 til 30 júní og jafngildir því að fá 350$ (c.a 35.000 kr.) afslátt af próftökukostnaði. CRMA prófið er hannað fyrir innri endurskoðendur og sérfræðinga í áhættugreiningu og það nýtist öllum þeim sem bera ábyrgð á áhættugreiningu og hafa reynslu af því að starfa við slíkt.
Þessi afsláttur á einungis við um prófgjöld IIA en ekki skráningu í sjálft prófið hjá PersonVUE eða námsefni til prófs.
Til að fá frekar upplýsingar smellið á CRMA eða CCSA og sækið um fyrir 30 Júní 2014.
Breytingar á samþykktum
Talsverðar breytingar urðu á lögum og samþykktum á síðasta aðalfundi.
Á aðalfundi félagsins þann 21 maí voru samþykktar nokkrar breytingar á lögum félagsins. Fyrirhugaðar lagabreytingar voru kynntar í fundarboðum fyrir aðalfund en eru að mest leiti fallin til þess að einfalda ferli varðandi stjórn og undirnefndir sem og að færa starfssemi félagsins nær raunumhverfi sínu t.d að því að varðar þá sem geta gengið í félagið. Núna er í fyrsta skipti minnst á áhættustýringu, eftirlit og stjórnarhætti sem áhugasvið þeirra sem gætu gengið í félagið.
Hin nýsamþykktu lög félagsins má finna undir flipanum : "Um félagið" og "Samþykktir félagsins" eða með að smella hér.
Ný stjórn FIE
Aðalfundur Félags um innri endurskoðun var haldin þann 21 maí 2014. Sem hluti af dagskrá aðalfundar þá voru kosnir nýjir félagmenn í stjórn en að þessu sinni hættu þrír stjórnarmenn eftir tveggja ára setu í stjórn. Þau þrjú sem komu ný inn í stjórn eru : Kristín Kalmansdóttir , Sif Einarsdóttir og Guðjón Viðar Valdimarsson. Á fyrsta stjórnarfundi nýrrar stjórnar sem haldin var þann 27 maí 2014 skipti stjórn með sér verkum.
Formaður stjórnar er Ágúst Hrafnkelsson
Ritari er Sif Einarsdóttir
Gjaldkeri Hrefna Gunnarsdóttir
og meðstjórnendur Kristín Kalmansdóttir og Guðjón Viðar Valdimarsson
Jafnframt voru formenn nefnda kosnir og þau eru :
Viðar Kárason, formaður fræðslunefndar
Ástráður Karl Guðmundsson, formaður alþjóðanefndar
Ingi K. Magnússon, formaður siðanefndar
Auðbjörg Friðgeirsdóttir, formaður útbreiðslunefndar
Aðalfundur FIE – 21. maí 2014
Aðalfundur Félags um innri endurskoðun verður haldinn á Grand Hótel Reykjavík miðvikudaginn 21. maí 2014 kl. 8:30.
Þrír stjórnarmenn eru að ljúka kjörtímabili sínu og ganga úr stjórn. Félagsmenn sem eru tilbúnir að leggja sitt af mörkum til að halda uppi öflugu starfi hjá félaginu eru hvattir til að bjóða sig fram til stjórnar- og nefndarsetu. Æskilegt er að áhugasamir hafi samband við stjórn fyrir 15. maí nk. til að auðvelda undirbúning kosninga, þótt einnig verði hægt að bjóða sig fram á fundinum. Samkvæmt samþykktum eru formenn fastanefnda kjörnir á aðalfundi, en þeir fá í lið með sér áhugasama félagsmenn til að starfa í nefndunum.
Dagskrá:
1. Skýrsla um störf félagsins á liðnu ári.
2. Reikningar félagsins lagðir fram til samþykktar.
3. Breytingar á samþykktum. (tillögur um breytingar)
4. Kosning stjórnar. *)
5. Kosning formanna nefnda skv. 7. gr.
6. Kosning endurskoðanda annað hvert ár. *)
7. Ákvörðun félagsgjalds.
8. Önnur mál.
*) Athugið að ef tillögur um breytingar á samþykktum félagsins ná fram að ganga breytast heiti þessara dagskrárliða til samræmis við uppfærðar samþykktir.
Boðið verður uppá morgunverð.
Morgunverðarfundur 7. maí 2014
Fræðslunefnd Félags um innri endurskoðun stendur fyrir morgunverðarfundi miðvikudaginn 7. maí nk. Efni fundar er tvíþætt, annars vegar COSO og hinsvegar Lean.
Sif Einarsdóttir yfirmaður innri endurskoðunar hjá Deloitte fer yfir COSO-regluverkið með breytingum 2013, helstu breytingar frá eldri útgáfu og hvernig innri endurskoðendur geta notfært sér regluverkið í sinni vinnu.
Sigríður Guðmundsdóttir innri endurskoðandi Marel kynnir beitingu Lean-aðferðafræðinnar í innri endurskoðun.
Fundurinn verður haldinn á Grand Hótel Reykjavík. Að venju er boðið upp á morgunverð frá kl. 8:00 og hefst fundurinn kl. 8:30. Aðgangseyrir er kr. 2.800. Vinsamlegast tilkynnið um þátttöku á fie@fie.is fyrir þriðjudaginn 6. maí.