Á þessu starfsári hefur Fræðslunefnd FIE unnið að því efla tengsl IIA á Norðurlöndum. Eitt af því er að deila og bjóða félagsmönnum þátttöku í vefatburðum á ensku. Dagana 4.-5. maí 2021 mun IIA í Svíþjóð vera með ráðstefnu á netinu um stjórnarhætti, áhættu og hlítni/fylgni, (Governance, risk and compliance). Félagsmönnum FIE á Íslandi og öðrum áhugasömum hefur verið boðið að taka þátt. Félagsmenn FIE greiða sama gjald og félagsmenn IIA í Svíþjóð. Hægt er að skrá sig á annan hvorn daginn eða báða og er mögulegt að fá allt að 14 CPE einingar. Í boði verða allt að 60 mismunandi fyrirlestrar sem koma víða að. Hægt er að fá nánari upplýsingar hér, og skrá sig.
Fræðslufundur FIE 18. mars 2021
Næsti fræðslufundur FIE verður haldinn fimmtudaginn 18. mars. n.k. klukkan 8:30 - 10:00. Fundurinn er í boði Íslandsbanka og mun Hinrik Pálsson fjalla um Wirecard málið. Ágúst Hrafnkellsson mun svo vera með erindið "Er allt klárt fyrir næsta gos".
Starfsreglur stjórnar
Stjórn FIE samþykkti nýjar starfsreglur stjórnar þann 27. janúar 2021. Endurskoðun á eldri starfsreglunum fólst m.a. í því að bera þær saman við kröfur um stjórnarhætti sem Alþjóðasamtök innri endurskoðanda setja aðildarfélögunum. Hægt er að nálgast starfsreglurnar á heimasíðu félagsins undir ,,Um félagið/skipulag félagsins".
Fyrsti fræðslufundur 2021 verður haldinn mánudaginn 15. febrúar kl. 08:30-10:00
Við höfum fengið Niina Ratsula frá Finnlandi til að halda fyrir okkur erindi um hvaða styrkleikar og áskoranir einkenna viðskiptasiðferði Norðurlandanna. Niina er M.Sc. CIA, CCSA, CRMA, CCEP-I, doktorsnemi, kennari og stofnandi Code of Conduct Company, en starfaði áður hjá Nokia og Kermiar í 12 ár.
Hún mun einnig kynna okkur fyrir niðurstöðum The Nordic Business Ethic Survey.
Hér má nálgast nánari upplýsingar um The Nordic Business Ethics Network.
Athugið að fyrirlesturinn er á ensku.
Félagsmaður nær CIA faggildingu
Kristín Aðalheiður Birgisdóttir, starfsmaður KPMG, hlaut CIA vottun hjá Alþjóðasamtökum innri endurskoðenda fyrr á þessu ár þessu ári. Stjórn FIE óskar henni innilega til hamingju!
Kristín er með MBA og MSc gráðu frá UIBS, Barcelona. Hún útskrifaðist sem viðskiptafræðingur (Cand.Oecon.) frá Háskóla Íslands og hefur einnig lokið prófi í verðbréfaviðskiptum. Kristín starfar hjá KPMG á Íslandi á sviði innri endurskoðunar, áhættustýringar og stjórnarhátta. Hún starfaði áður m.a. hjá Fjármálaeftirlitinu og Frjálsa fjárfestingabankanum.
Fræðslufundur FIE 25. nóvember 2020
Annar fræðslufundur vetrarins verður miðvikudaginn 25. nóvember næst komandi. Fundurinn er í boði Arion banka og mun fjalla um þriggja línu/þrepa líkanið. (e. three lines model). Hér má nálgast íslenska þýðingu á líkaninu.
