Samstarf fræðslunefnda á Norðurlöndunum

Fræðslunefnd FIE hefur nú hafið samstarf í fræðslumálum með IIA í Noregi og Svíþjóð. Vonandi bætist IIA í Danmörk við fljótlega. Samstarfið fer þannig fram að félagsmönnum stendur til boða að sækja námskeið á þeirra vegum sem eru á ensku og á netinu. Skráning fer fram í gegnum þeirra heimasíðu. Með þessu þá getum við aukið framboðið og fjölgað valkostum. Upplýsingar um námskeið er á heimasíðum félaganna: 

https://www.theiia.se/evenemang/

https://iia.no/kompetanse/

Í samstarfi við IIA í Evrópu þá stendur til boða að taka COSO ERM og COSO IC certificate, en það er IIA í Frakklandi sem heldur utan um þann viðburð. Nánari upplýsingar koma fljótlega. Ef þið hafið áhuga á að taka COSO ERM fyrir áramót þá er nú þegar orðið fullt en okkur stendur til boða að halda slíkt námskeið 14. til 18. desember ef við náum að lágmarki 6 þátttakendum. Ef það er áhugi endilega sendið á fie@fie.is.

Þessi námskeið eru þau sömu og IIA Global stendur fyrir. Smelltu á tengilinn til að skoða ítarlegri lýsingu á námskeiðinu https://fie.is/wp-content/uploads/2020/10/1-Product-sheet.pdf.

Alþjóðlega ráðstefna IIA verður haldin á netinu þann 2. til 4. nóvember og þar er hægt sækja sé 18 CPE endurmenntunareiningar á mun hagstæðara verði en hefur verið hingað til. Sjá nánar: https://ic.globaliia.org/Pages/2020.aspx.

Er ekki kominn tími?

Í dag birtist grein í Fréttablaðinu eftir Ingunni Ólafsdóttur formann félagsins þar sem minnt er á 65. gr. laga um opinber fjármál sem kveður á um innri endurskoðun hjá ríkisstofnunum. Þetta ákvæði hefur ekki enn komið til framkvæmda nú fimm árum eftir gildistöku laganna. Er ekki kominn tími til að ljúka við innleiðingu þeirra?

Fræðsluáætlun FIE 2020-2021

Kæru félagsmenn,

Nú er átjánda starfsár félagsins að hefjast og hefur fræðslunefnd félagsins sett saman fræðsluáætlun fyrir veturinn með fjölbreyttu fræðsluefni fyrir félagsmenn. Uppsetning áætlunarinnar tók mið af fræðslukönnun sem gerð var meðal félagsmanna síðastliðið sumar.

Fræðsluáætlunin er með fremur óhefðbundnu sniði þetta starfsár og höfum við breytt um áherslur þannig að í stað hefðbundinna morgunverðarfunda höfum við sett á fræðslufundi sem eru skipulagðir á netinu í gegnum Teams.

Fyrsti fundur verður haldinn föstudaginn 25. september. Í fyrra erindi fundarins verður fjallað um gervigreind, sjálfvirknivæðingu og innri endurskoðun. Seinna erindið fjallar um innleiðingu á Evrópureglum um endurskoðun og endurskoðendur, sem tóku gildi 1. janúar 2020.

Haustráðstefnan verður haldin 15. - 16. október, og mun skiptast í tvo hálfa daga. Fyrir hádegi fyrri daginn og eftir hádegi seinni daginn.

Ítarlegri upplýsingar um viðburðina verða síðan auglýstir á Facebook síðu félagsins (https://www.facebook.com/FelagUmInnriendurskodun) og heimasíðu félagsins (https://fie.is/).

Skráning verður eins og áður með tölvupósti á fie@fie.is.

FRÆÐSLUÁÆTLUN 2019-2020

Fræðslukönnun 2020

Fræðslukönnun 2020

Fræðslukönnunin lauk í síðustu viku og tóku 54% félagsmanna þátt í henni. Helstu niðurstöður eru að félagsmenn gefa starfsemi félagsins tæplega 78 stig af 100 stigum sem er sambærilegt og í fyrra. Rúmlega 80% félagsmanna segjast vera frekar eða mjög líklegir til að mæta á Innri endurskoðunardaginn þann 9.september nk.  Einnig er mikill áhugi á Haustráðstefnu félagsins og vilja flestir félagsmenn halda hana á þessu ári en stytta hana í einn dag í stað tveggja daga eins og verið hefur.

Fræðslunefnd er með niðurstöðurnar og mun vinna úr þeim fræðsluáætlun fyrir næsta vetur.  Áætlunin verður birt í lok sumars. Hægt er að skoða niðurstöðurnar nánar í Excel skjalinu hér að neðan.

Hér fyrir neðan er listi yfir þau fræðsluefni sem skoruðu hæst í ár samanborin við niðurstöðurnar frá því í fyrra. Niðurstöðunum er raðað eftir vegnu meðaltali:

    2019                                                                    2020

1. Misferli og sviksemi (4,26) 1. Samtímaeftirlit og endurskoðun (4,39)
2. Netöryggismál (4,12) 2. Greiningartól (Excel, ACL, TeamMate) (4,25)
3. ERM (4,10) 3. Misferli og sviksemi (4,2)
4. Samtímaendurskoðun og - eftirlit (4,04) 4. Áhættumiðuð endurskoðunaráætlun (4,16)
5. COSO (4,00) 5. Verkefnaáætlun og áhættumat úttektar (4,16)
6. Greiningartól (3,98) 6. Netöryggismál (4,11)
7. Áhættumiðuð endurskoðunaráætlun (3,98) 7. Gagnagreiningar (Big data, data mining) (4,05)
8. Almenn tölvuendurskoðun (3,92) 8. Nýja útgáfu af Lines of Defence (3,98)
9. Verkefnaáætlun og áhættumat úttektar (3,90) 9. Enterprise Risk Management (ISO 31000) (3,89)
10. Gagnagreiningar (3,88) 10. Gervigreind (machine learning, robotics) (3,86)

Við þökkum fyrir þátttökuna!

1.-Fræðslukönnun_FIE_Niðurstöður_2020Download