Innri endurskoðunardagurinn 2016 verður haldinn hátíðlegur föstudaginn 18. mars næstkomandi á Grand Hótel Reykjavík. Sjá auglýsingu
Innri endurskoðunardagurinn er 18 mars 2016 á Grand hótel
Innri endurskoðunardagurinn 2016 verður haldinn hátíðlegur föstudaginn 18. mars næstkomandi á Grand hótel Reykjavík.
Dagskráin hefst kl. 8 og lýkur kl. 12:30.
Þema dagsins að þessu sinni er leiðtogafærni innri endurskoðandans og eru erindi dagsins fjölbreytt að venju.
Meðal framsögumanna eru Páll Harðarson forstjóri Kauphallarinnar Nasdaq OMX sem mun fjalla um innra eftirlit og stjórnarhætti frá sjónarhóli Kauphallar Íslands, Kristín Baldursdóttir forstöðumaður innri endurskoðunar Landsbankans mun fjalla um fræðslu og áhrif innri endurskoðenda á hagsmunaaðila, fulltrúi frá Fjármálaeftirlitinu mun fjalla um það sem er efst á baugi hjá eftirlitinu, Elmar H Hallgríms lektor í siðfræði frá HÍ mun fjalla um siðferðileg álitaefni og rétt viðbrögð við þeim og að lokum mun Edda Björgvins leikkona kenna okkur áhrifaríkar kynningar með sínum aðferðum.
Boðið verður upp á morgunverð í kaffihléi og er verðið kr. 17.500 fyrir hálfsdags ráðstefnu.
Skráning hefur verið opnuð á fie@fie.is
Námsstyrkur hjá IIA
Sex námsstyrkir fyrir ritgerðir, hver upp á 1000$ er í boði fyrir BS og MS-nema við háskóla alls staðar í heiminum. Sjá nánar hér.
Morgunverðarfundur FIE – Fraud Risk Management – 10. feb. nk.
Næsti morgunverðarfundur félagsins verður haldinn á Grand hótel Reykjavík þann 10. febrúar næstkomandi kl. 8:00.
Áætlað er að fyrirtæki tapi 5-10% af heildartekjum sínum árlega vegna svika eða misferlis. Það undirstrikar mikilvægi þess að koma á heildstæðri stefnu til að koma í veg fyrir svik. Á fundinum verður komið inn á hvers kyns svik eða misferli sem geta átt sér stað eftir mismunandi tegundum fyrirtækja og hvað sé hægt að gera til að verja þau fyrir svikum eða misferlum.
Efni fundarins er: „Fraud Risk Management“.
Tveir sérfræðingar fjalla um efnið, hvor með sína nálgun.
Danielle Pamela Neben starfaði hjá HSBC bankanum, sem er einn stærsti banki heims, á árunum 1993-2013 í sjö löndum, m.a. í Bretlandi, Þýskalandi, Taívan og Singapore. Hún lauk háskólanámi í viðskiptafræði frá McGill University í Kanada með áherslu á fjármál. Danielle átti sæti í framkvæmdastjórn HSBC Trinkaus & Burkhardt (Int.) SA í Lúxemborg 2012-2013 sem framkvæmdastjóri á rekstrarsviði. Áður var hún í ýmsum stjórnunarstörfum innan HSBC bankans, m.a. á sviði verkefnastjórnunar, viðskiptatengsla, viðskiptabankaþjónustu, fyrirtækjaþjónustu, fjárfestatengsla og innheimtu útlána. Danielle var kjörin í bankaráð Landsbankans í apríl 2013 og er jafnframt formaður endurskoðunarnefndar bankans.
Nolan Williams er stofnandi ráðgjafafyrirtækisins The Risk Consultancy sem veitir ráðgjöf og þjálfun varðandi áhættustýringu viðskipta og um meðvitaða sviksemisáhættu. Nolan starfaði í meira 16 ár hjá Goldman Sachs Global Security Division í London. Nolan er meðlimur í Samtökum viðurkenndra misferlisrannsakenda „Certified Fraud Examiners“ í Bretlandi og hefur reynslu í þróun sérhæfðra námskeiða í áhættustýringu, þ.m.t. um meðvitaða misferlisáhættu og innra eftirlit til að fyrirbyggja svik eða misferli í hvaða viðskiptum sem er.
Danielle og Nolan eru með 2ja daga námskeið í Háskóla Reykjavíkur um þetta efni i febrúar Sjá nánar: http://www.ru.is/opnihaskolinn/fraud-risk-management. Þau munu stikla á því helsta á morgunverðarfundi FIE.
Athugið að fundurinn hefst kl. 8:20 og lýkur kl. 10:00 en morgunverður verður í boði frá kl. 8:00. Vinsamlegast skráið þátttöku á fie@fie.is í síðasta lagi á hádegi 4. febrúar. Fundargjald er 2.800 kr.
Þátttaka í morgunverðarfundinum gefur 2 endurmenntunareiningar.
Starfsnám grunnnema og meistaranema á sviði innri endurskoðunar hjá HR
Háskólinn í Reykjavík og Orkuveita Reykjavíkur (OR) hafa skrifað undir samstarfssamning um starfsnám grunnnema og meistaranema á sviði innri endurskoðunar. Nánari upplýsingar fást með því að smella hér.
Fréttabréf FIE Janúar 2016 er komið út
Í fréttabréfi FIE er að finna margvísalegan fróðleik um starfssemi félagins og fréttir af alþjóðavettfangi. Haustráðstefnu FIE eru gerð góð skil, formaður félagsins gerir grein fyrir starfsemi undangengins árs , fréttir af ráðstefnum IIA og þátttaka félagsmanna FIE í þeim viðburðum, faglegar greinar eftir félagsmenn og fréttir af lagabreytingum svo eitthvað sé nefnt. Fréttabréfið má nálgast hér á síðunni.