Kæri félagsmaður Félag um innri endurskoðun boðar til aðalfundar fimmtudaginn 8. maí 2025, kl. 16:30.
Aðalfundurinn verður haldinn á Grand hótel og verða léttar veitingar í boði.
Hefðbundin dagskrá aðalfundar verður einnig tilkynnt síðar.
Stjórnin hvetur félagsmenn til að taka þátt í starfi félagsins. Tveir stjórnarmenn munu láta af störfum á næsta aðalfundi. Áhugasamir geta haft samband við stjórn félagsins en einnig er hægt að bjóða sig fram til stjórnarsetu á fundinum.
IIA Noregi heldur vefnámskeið þann 10. júní 2025 um áhættumiðaða endurskoðunaráætlun í takt við nýja heimsstaðla um innri endurskoðun kl. 7:00 - 14:30 (9:00 - 16:30 að norskum tíma).
Námskeið í gerð áhættumiðaðrar endurskoðunaráætlunar með hliðsjón af kröfum nýrra heimsstaðla um innri endurskoðun. Áhættulandslagið er síbreytilegt og áætlun innri endurskoðunar þarf að taka mið af því og á sama tíma styðja við markmið skipulagsheildarinnar og skila virðisaukandi áliti og niðurstöðum sem skipta máli fyrir reksturinn.
Fyrirlesari: James C. Paterson, reynslumikill fyrirlesari og fyrrverandi yfirmaður innri endurskoðunar (e. CAE) James Paterson á LinkedIn
Efnistök námskeiðs
Hönnun á "top-down" endurskoðunaráætlun sem samræmist viðskiptastefnu skipulagsheildar
Mótun áhrifaríkra spurninga sem hjálpa til við mótun verkefna fyrir áætlunina
Samþætting við aðra staðfestingar- og eftirlitseiningar til að ná fram heildrænni umfjöllun
Kynning endurskoðunaráætlunar sem vekur athygli og tryggir nægjanlegar auðlindir til framkvæmdar
Samræming væntinga yfirstjórnar og endurskoðunarnefndar
Aðferðir við skilgreiningu umfangs verkefna og stig fullvissu úttektar
Uppbygging sterkra tengsla við hagsmunaaðila
Verð: 45.000 kr. fyrir félagsmenn FIE og FLE 55.000 kr. fyrir aðra
IIA Noregi heldur vefnámskeið þann 3. júní 2025 um áhættuskor athugasemda og niðurstöður úttekta kl. 7:00 - 14:30 (9:00 - 16:30 að norskum tíma).
Starfshættir innri endurskoðunar eru í stöðugri þróun. Endurskoðunarálit er þar engin undantekning. Niðurstöður úttekta innri endurskoðunar eru notaðar af stjórnum og jafnvel eftirlitsaðilum sem treysta á þær við ákvarðanatöku. Áhættuskor athugasemda og niðurstöður úttekta þurfa því að endurspegla blæbrigði mismunandi áhættuflokka og áhættumenningar í starfsemi sem er til skoðunar.
Fyrirlesari: James C. Paterson James C. Paterson á LinkedIn
Efnistök námskeiðs
Framsetning áhættuskors athugasemda
Framsetning endurskoðunarálits sem stenst kröfur lagalegrar umgjarðar
Framsetning niðurstaðna þvert á ferla /deildir
Framsetning á nýjum áhættuþáttum sem tengjast rekstrarþoli og netöryggi
Yfirferð á sjálfbærniþáttum (ESG)
Nýting fjölbreyttra gagna til stuðnings niðurstöðum umfram hefðbundna endurskoðunarvinnu
Miðlun takmarkana án þess að draga úr mikilvægi og áhrifum
Verð: 45.000 kr. fyrir félagsmenn FIE og FLE 55.000 kr. fyrir aðra
IIA Noregi heldur vefnámskeið þann 29. apríl 2025 um áhættugreiningu (RCSA) kl. 7:00 - 10:00 (9:00 - 12:00 að norskum tíma).
Vinnustofa sem veitir hagnýtar leiðbeiningar um framkvæmd áhættugreiningar (e. Risk and Control Self Assessment), sem er eitt meginverkfærið í umgjörð heildrænnar áhættustýringar.
Námskeiðið byggir á bók fyrirlesara: Operational Risk Management in Financial Services.
Fyrirlesari: Elena Pykhova Elena Pykhova á LinkedIn
Efnistök námskeiðs
Áhættugreining og hlutverk þess í umgjörð áhættustýringar
Hvers vegna áhættugreining skilar ekki ætluðu virði
Skref 1: Rétt nálgun og aðferðarfræði
Skref 2: Áhættur - að forðast dreifingu, mengun og óhrein gögn
Skref 3: Stýringar - þetta snýst allt um að byggja brýr og prófa hitastigið
Að vekja áhuga haghafa (3 blaðsíðna skýrsla)
Árangursmælingar: hvað virkar og hvað ekki?
Umræður meðal þátttakenda og reynslusögur
Samantekt: niðurstöður og lykilatriði
Gerum gæfumuninn: næstu skref og einstaklingsmiðaðar aðgerðaáætlanir
Verð: 30.000 kr. fyrir félagsmenn FIE og FLE 40.000 kr. fyrir aðra
