The Institute of Internal Auditors Iceland
Alþjóðasamtök innri endurskoðenda hafa veitt Hinriki Pálssyni heiðurskírteini William S. Smith fyrir framúrskarandi árangur á faggildingarprófunum. Hinrik lauk faggildingu í innri endurskoðun (CIA) þann 16. apríl 2018 og starfar við innri endurskoðun hjá Íslandsbanka en áður Arion banka.
Stjórnin óskar Hinriki innilega til hamingju með árangurinn!!
Í mars fella alþjóðasamtökin (IIA) niður umsóknargjald til CIA vottunar en gjaldið er alla jafna $115 fyrir félagsmenn og $230 fyrir umsækjendur utan félags. Að auki veita alþjóðasamtökin 25% afslátt af undirbúningsefni fyrir CIA prófin allan marsmánuð. Um síðustu áramót voru CIA prófin uppfærð og eiga þau nú að endurspegla betur alþjóðlega starfshætti innri endurskoðunar. Jafnvægi milli prófanna þriggja hefur einnig verið aukið auk þess sem þau eiga að samræmast betur alþjóðlegum stöðlum um innri endurskoðun. CIA vottun staðfestir að handhafi hafi hæfni og fagmennsku á sviði innri endurskoðunar og eykur traust og trúverðugleika gagnvart hagsmunaaðilum.
Frekari upplýsingar frá alþjóðasamtökunum um mars tilboðið má finna hér: https://global.theiia.org/certification/Pages/Drive-Your-Career-Forward-as-a-Certified-Internal-Auditor.aspx
Auk þess býðst félagsmönnum nú að kaupa námsefni fyrir CIA prófin frá alþjóðasamtökunum með þónokkrum afslætti í gegnum FIE en námsefni eins prófs á rafrænu formi er nú fáanlegt á $165 og námsefni fyrir öll þrjú á $450. Til samanburðar er fullt verð $795. Ef félagsmenn vilja að auki pappírseintak kostar námefni eins prófs $40 aukalega og $100 fyrir öll þrjú. Athugið að þessi verð eru án sendingarkostnaðar. Áhugasamir sendi tölvupóst á fie@fie.is til að fá frekari upplýsingar.
Stjórn FIE hvetur alla félagsmenn til að kynna sér CIA vottun og bendir m.a. á heimasíðu félagsins, sjá hér: https://fie.is/faggilding/cia-vottun/
Félag um innri endurskoðun (FIE) stendur að alþjóðlegri ráðstefnu dagana 8-10. maí 2019 í samstarfi við aðildarfélögin á Norðurlöndunum og í Eystrasaltslöndunum.
Nánari upplýsingar um ráðstefnuna og skráning er að finna á heimasíðu ráðstefnunnar: www.nordiclight2019.is
Afsláttur er veittur af skráningargjaldinu til 21. febrúar nk.
Allir velkomnir!
Samantekt niðurstaðna:
Fræðslukönnunin lauk í dag og tóku um 60% félagsmanna þátt í henni (f:50).
* Félagsmenn gefa starfsemi félagsins tæplega 80 stig af 100 stigum (mjög ánægðir).
* Rúmlega 50% félagsmanna segjast vera frekar eða mjög líklegir til að koma á Nordic Light. Tæplega 30% félagsmanna eru ekki vissir. Aðrir (20%) telja frekar eða mjög ólíklegt að þeir mæti.
Hér að neðan listi yfir efstu fræðsluefninum raða eftir vegnu meðaltali:
1. Misferli og sviksemi (4,26)
2. Netöryggismál (4,12)
3. ERM (4,10)
4. Samtímaendurskoðun og - eftirlit (4,04)
5. COSO (4,00)
6. Greiningartól (3,98)
7. Áhættumiðuð endurskoðunaráætlun (3,98)
8. Almenn tölvuendurskoðun (3,92)
9. Verkefnaáætlun og áhættumat úttektar (3,90)
10. Gagnagreiningar. (3,88)
11. Verkefnastjórnun og samskiptahæfni (3,80)
Niðurstöðurnar er að finna hér: Fræðslukönnun_FIE_Niðurstöður_2019
Stjórnin hefur ákveðið að næsti morgunverðarfundur verður haldinn 15. mars um misferli og sviksemi. Dagskráin verður send til félagsmanna þegar nær dregur.
Þátttaka í starfsemi félagsins
Ánægjulegt er að sjá hversu margir félagsmenn eru ánægðir með starfsemi félagsins. Ég vil nota tækifærið og hvetja félagsmenn til að taka þátt í starfseminni. Nú vantar formann fræðslunefndar og stjórnarmann en kosið verður um hann eftir næsta morgunverðarfund. Endilega gefðu þig fram við stjórn (Björn, Jón, Sigrúnu eða mig) ef þú hefur áhuga á eða vilt fá nánari upplýsingar um starfið.
Við þökkum fyrir þátttökuna!!
Með góðri kveðju,
F.h. stjórnar
Ingunn formaður FIE
www.nordiclight2019.is
Á morgunverðarfundi félagsins í gær fjallaði Auðbjörg Friðgeirsdóttir formaður alþjóðanefndar FIE um leiðbeiningar IIA og reynslu sína við gerð þeirra. Hún hvatti félagsmenn til að taka þátt í þessu alþjóðastarfi sem hluti af sinni endurmenntun. Hægt er að sækja um þátttöku á heimasíðu alþjóðasamtakanna undir Global Guidance Contributor: https://forms.theiia.org/volunteer-guidance-contributor-form. Þá sagði hún frá vinnu sinni í norrænum vinnuhópi sem vinnur að gerð leiðbeininga um áhættustýringu og er stefnt að útgáfu þeirra á þessu ári (2019).
Glærur af fundinum er að finna hér:
Fyrirlestur hjá FIE - Global Contribution - leiðbeiningar fyrir fjármálafyrirtæki
Inga Rós Reynisdóttir og Sif Einarsdóttir sögðu frá niðurstöðum alþjóðlegrar könnunar Deloitte meðal forstöðumanna innri endurskoðunardeilda. Helstu niðurstöður voru að greiningarhæfni starfsmanna, þekking á greiningartólum og upplýsingatæknimálum væri mikilvægur þáttur í starfsemi innri endurskoðunardeilda. Þá kom einnig fram að margir íslenskir forstöðumenn töldu að auka þyrfti gæði, fjármögnun og áhrif innri endurskoðunar og voru nokkrar umræður um þessar niðurstöður á fundinum.
Hægt er að nálgast niðurstöður könnunarinnar hérna: https://www2.deloitte.com/global/en/pages/risk/articles/global-chief-audit-executive-survey-report.html
Glærur af fundinum er að finna hér: Nordic Perspective - Deloittes Global Chief Audit Executive Research Survey 2018
Sif Einarsdóttir Deloitte ætlar að kynna niðurstöður úr alþjóðlegri könnun um áherslur innri endurskoðunardeilda í nútíð og framtíð.
Auðbjörg Friðgeirsdóttir PWC og formaður alþjóðanefndar FIE mun fjalla um alþjóðlegar leiðbeiningar fyrir fjármálafyrirtæki.
Allir velkomnir!