Félag um innri endurskoðun

Haustráðstefna FIE var haldin dagana 4. og 5. október á Grand Hótel Reykjavík en þar fjallaði Nigel Iyer um stjórnun sviksemis- og misferlisáhættu. Þátttaka á ráðstefnunni var með besta móti og voru þátttakendur alls 45 talsins.

Í tengslum við haustráðstefnuna var haldinn morgunverðarfundur undir yfirskriftinni "Hjálpræði stjórnenda í svikulum heimi" þar sem Nigel Iyer fjallaði um sviksemi og misferli innan fyrirtækja. Var sá fundur sérstaklega ætlaður stjórnarmönnum, endurskoðunarnefndum og lykilstjórnendum fyrirtækja. Voru þátttakendur á fundinum um 50 talsins. Alls tóku því hátt í 100 manns þátt í viðburðum í tengslum við haustráðsefnu FIE. Vill fræðslunefnd FIE koma á framfæri þökkum til allra þátttakenda með von um að þeir hafi haft gagn og gaman að og sjái sér fært að taka þátt í viðburðum á vegum félagsins á komandi vetri.

Fyrsti morgunverðarfundur vetrarins verður haldinn fimmtudaginn 1. nóvember nk.  Á fundinum ætlar Guðmundur I. Berþórsson, innri endurskoðandi Orkuveitu Reykjavíkur, að kynna fyrir okkur gæðamat sem deildin hans fór í gegnum til að fá vottun á því að deildin starfi eftir stöðlum IIA. Innri endurskoðunardeild Orkuveitunnar er fyrsta deildin á Íslandi sem fer í gegnum gæðamatið en það er nauðsynlegt til þess að geta staðhæft að unnið sé samkvæmt stöðlum IIA. Í framhaldi af kynningu Guðmundar mun Sif Einarsdóttir, yfirmaður áhættuþjónustu hjá Deloitte, segja okkur frá úttektinni en Deloitte sá um framkvæmd gæðamatsins. Fundurinn verður í Gullteig á Grand Hótel og opnar með morgunverði frá kl. 8:00 og hefst erindið kl. 8:30 og líkur kl. 10:00. Aðgangseyrir er kr. 2.500, vinsamlegast tilkynnið þátttöku á fie(hjá)fie.is

Í tengslum við haustráðstefnu sína stendur Félag um innri endurskoðun (FIE) fyrir morgunverðarfundi hinn 5. október n.k. frá 8:30 til 10 undir yfirskriftinni "Hjálpræði stjórnenda í svikulum heimi" og fjallar um sviksemi og misferli innan fyrirtækja.  Fyrirlesari verður Nigel Iyer sem hefur í yfir 20 ár unnið að forvörnum og rannsóknum á sviði sviksemi.
Fundurinn er sérstaklega ætlaður stjórnarmönnum, endurskoðunarnefndum og lykilstjórnendum fyrirtækja. Nánari upplýsingar um fundinn má finna í þessu skjali.

Fræðslunefnd hefur tekið saman fréttabréf FIE sem hefur að geyma ýmis áhugaverð atriði. Sérstaklega skal bent umfjöllun um væntanlega haustráðstefnu félagsins sem haldin verður í október. Fréttabréfið má nálgast hér.

Haustráðstefna FIE verður haldin dagana 4. og 5. október n.k. á Grand Hótel Reykjavík. Yfirskrift ráðstefnunnar verður: Stjórnun sviksemis– og misferlisáhættu. (e. Managing the risk of fraud and corruption). Fyrirlesari verður Nigel Iyer (BSc, MA, ACA). Nigel er meðeigandi hjá Septia Group og kennari við University of Leicester School of Management.

Skráning er hafin á fie@fie.is   Ráðstefnan veitir 16 endurmenntunareiningar (CPE).  Nánari upplýsingar má finna hérna.

Þau ánægjulegu tíðindi voru að berast félaginu að Viðar Kárason hafi náð CIA gráðunni.  Hann er 14. íslendingurinn sem nær gráðunni.  Viðar starfar hjá innri endurskoðun Íslandsbanka.  Félagið óskar Viðari innilega til hamingju með þennan stóra áfanga.