Nú í maí hafa tveir starfsmenn innri endurskoðunar Landsbankans þau Axel Blöndal og Sonja Kristín Jakobsdóttir lokið CIA prófi hjá Alþjóðasamtökum innri endurskoðenda.

Stjórn FIE óskar Axel og Sonju innilega til hamingju með faggildinguna!!

Nánar:

Sonja útskrifaðist sem Cand.Oecon í viðskiptafræði, reikningsskilum og endurskoðun frá Háskóla Íslands árið 2000 og M.Acc árið 2006. Hún hefur starfað hjá innri endurskoðun Landsbankans frá 2007.

Axel er með B.Sc. í tölvunarfræði, Cand.Oecon í viðskiptafræði, fjármálum og endurskoðun frá Háskóla Íslands og MBA í stjórnun frá University of Navarra. Hann hefur starfað hjá innri endurskoðun Landsbankans frá 2011.

Á félagsfundi þann 15. mars sl. fór fram kosning eins stjórnarmanns til eins árs. Anna Sif Jónsdóttir, innri endurskoðandi Kviku, var kosin í stjórn FIE.

Við óskum henni til hamingju með kjörið!

Alþjóðasamtök innri endurskoðenda hafa veitt Hinriki Pálssyni heiðurskírteini William S. Smith fyrir framúrskarandi árangur á faggildingarprófunum. Hinrik lauk faggildingu í innri endurskoðun (CIA) þann 16. apríl 2018 og starfar við innri endurskoðun hjá Íslandsbanka en áður Arion banka.

Stjórnin óskar Hinriki innilega til hamingju með árangurinn!!

Í mars fella alþjóðasamtökin (IIA) niður umsóknargjald til CIA vottunar en gjaldið er alla jafna $115 fyrir félagsmenn og $230 fyrir umsækjendur utan félags. Að auki veita alþjóðasamtökin 25% afslátt af undirbúningsefni fyrir CIA prófin allan marsmánuð. Um síðustu áramót voru CIA prófin uppfærð og eiga þau nú að endurspegla betur alþjóðlega starfshætti innri endurskoðunar. Jafnvægi milli prófanna þriggja hefur einnig verið aukið auk þess sem þau eiga að samræmast betur alþjóðlegum stöðlum um innri endurskoðun. CIA vottun staðfestir að handhafi hafi hæfni og fagmennsku á sviði innri endurskoðunar og eykur traust og trúverðugleika gagnvart hagsmunaaðilum.

Frekari upplýsingar frá alþjóðasamtökunum um mars tilboðið má finna hér: https://global.theiia.org/certification/Pages/Drive-Your-Career-Forward-as-a-Certified-Internal-Auditor.aspx

Auk þess býðst félagsmönnum nú að kaupa námsefni fyrir CIA prófin frá alþjóðasamtökunum með þónokkrum afslætti í gegnum FIE en námsefni eins prófs á rafrænu formi er nú fáanlegt á $165 og námsefni fyrir öll þrjú á $450. Til samanburðar er fullt verð $795. Ef félagsmenn vilja að auki pappírseintak kostar námefni eins prófs $40 aukalega og $100 fyrir öll þrjú. Athugið að þessi verð eru án sendingarkostnaðar. Áhugasamir sendi tölvupóst á fie@fie.is til að fá frekari upplýsingar.

Stjórn FIE hvetur alla félagsmenn til að kynna sér CIA vottun og bendir m.a. á heimasíðu félagsins, sjá hér: https://fie.is/faggilding/cia-vottun/

Félag um innri endurskoðun (FIE) stendur að alþjóðlegri ráðstefnu dagana 8-10. maí 2019 í samstarfi við aðildarfélögin á Norðurlöndunum og í Eystrasaltslöndunum.

Nánari upplýsingar um ráðstefnuna og skráning er að finna á heimasíðu ráðstefnunnar: www.nordiclight2019.is
Afsláttur er veittur af skráningargjaldinu til 21. febrúar nk.

Allir velkomnir!

Samantekt niðurstaðna:
Fræðslukönnunin lauk í dag og tóku um 60% félagsmanna þátt í henni (f:50).
* Félagsmenn gefa starfsemi félagsins tæplega 80 stig af 100 stigum (mjög ánægðir).
* Rúmlega 50% félagsmanna segjast vera frekar eða mjög líklegir til að koma á Nordic Light. Tæplega 30% félagsmanna eru ekki vissir. Aðrir (20%) telja frekar eða mjög ólíklegt að þeir mæti.

Hér að neðan listi yfir efstu fræðsluefninum raða eftir vegnu meðaltali:
1. Misferli og sviksemi (4,26)
2. Netöryggismál (4,12)
3. ERM (4,10)
4. Samtímaendurskoðun og - eftirlit (4,04)
5. COSO (4,00)
6. Greiningartól (3,98)
7. Áhættumiðuð endurskoðunaráætlun (3,98)
8. Almenn tölvuendurskoðun (3,92)
9. Verkefnaáætlun og áhættumat úttektar (3,90)
10. Gagnagreiningar. (3,88)
11. Verkefnastjórnun og samskiptahæfni (3,80)

Niðurstöðurnar er að finna hér: Fræðslukönnun_FIE_Niðurstöður_2019

Stjórnin hefur ákveðið að næsti morgunverðarfundur verður haldinn 15. mars um misferli og sviksemi. Dagskráin verður send til félagsmanna þegar nær dregur.

Þátttaka í starfsemi félagsins
Ánægjulegt er að sjá hversu margir félagsmenn eru ánægðir með starfsemi félagsins. Ég vil nota tækifærið og hvetja félagsmenn til að taka þátt í starfseminni. Nú vantar formann fræðslunefndar og stjórnarmann en kosið verður um hann eftir næsta morgunverðarfund. Endilega gefðu þig fram við stjórn (Björn, Jón, Sigrúnu eða mig) ef þú hefur áhuga á eða vilt fá nánari upplýsingar um starfið.

Við þökkum fyrir þátttökuna!!

Með góðri kveðju,
F.h. stjórnar
Ingunn formaður FIE

www.nordiclight2019.is