Félag um innri endurskoðun

Ingi Magnússon, formaður siðanefndar FIE og sviðsstjóri endurskoðunarsviðs fer yfir siðareglur og málsmeðferðarreglur félagsins. Ásgeir Brynjar Torfason, lektor við viðskiptafræðideild Háskóla Íslands ætlar að fjalla um viðskiptasiðferði. Morgunverðarfundurinn fer fram á Hótel Natura 15. nóvember 2018. Við minnum á að faggiltir félagsmenn eiga að skila 2 einingum í siðfræði á hverju ári. Skráning fer fram í gegnum fie@fie.is. Allir velkomnir!

Alþjóðasamtök innri endurskoðanda tilkynntu nýverið um fyrirhugaðar breytingar á faggildingarprófum samtakanna. Samtökin hafa ákveðið að leggja ríkari áherslu á CIA gráðuna og verða því gerðar breytingar á svokölluðum sérhæfingargráðum.

Eftirfarandi breytingar verða gerðar:

CGAP og CFSA gráðurnar falla niður og í staðinn koma námskeið á vegum IIA.

CCSA fellur niður og verður hluti af CRMA gráðunni.

Nýtt fyrirkomulag CGAP og CFSA

Nýtt fyrirkomulag á CGAP og CFSA verður á þann veg að IIA gefur út kennsluskrá fyrir hvora gráðu fyrir sig. Nemendur sitja svo námskeið, byggð á þessum kennsluskrám. Námskeiðin verða haldin af IIA eða fagfélögum innan samtakanna. Í lok námskeiðanna er próf lagt fyrir nemendur til þess að meta niðurstöðu þeirra. Þeir sem ná prófinu fá viðurkenningu um að hafa staðist námskeiðið. Ekki er því um formlegar prófgráður að ræða lengur og því þurfa þeir sem ljúka námskeiðinu ekki að standa skil af endurmenntunarpunktum. Námskeiðin og fyrirkomulag þeirra verða kynnt nánar af IIA í byrjun árs 2019.

Félagsmenn halda gráðunum

Þrátt fyrir breytinguna þá fullvissar IIA þá félagsmenn sem hafa öðlast fyrrnefndar gráður að gráðurnar haldi virði sínu og samtökin muni standa þeim að baki áfram. Svo lengi sem kröfum um endurmenntun er fylgt þá halda félagsmenn sínum gráðum og geta notað þær áfram. Samtökin munu halda áfram að gefa út fræðsluefni og bjóða upp á ýmsa möguleika til að sækja endurmenntunarpunkta tengda sérhæfingargráðunum.

Enn þá tími til stefnu

Þeir sem hafa hafið lestur hafa enn þá tíma til að slá til. Hægt er að skrá sig í CGAP, CFSA og CCSA prófin til áramóta. Þeir sem hafa þegar skráð sig geta enn þá farið í próf og lokið gráðunni. Fylgjast þarf með og ljúka fyrir uppgefin tímamörk. Tímamörkin má finna í CCMS kerfinu sem fyrr.

Nánari upplýsingar er að finna HÉR.

Núverandi gráður á vegum IIA:

• Certified Internal Auditor® (CIA®)
• Certified Government Auditing Professional® (CGAP®)
• Certified Financial Services Auditor® (CFSA®)
• Certification in Control Self-Assessment® (CCSA®)
• Certification in Risk Management Assurance® (CRMA®)
• Qualification in Internal Audit Leadership® (QIAL®)

Alþjóðasamtök innri endurskoðenda óskar eftir framboðum í stjórn og nefndir samtakanna fyrir 12. október.

Nú þegar hafa tveir félagsmenn okkar starfað í nefndum samtakanna en þær eru 17 talsins og eru verkefni þeirra fjölbreytt.  Stjórnin hvetur félagsmenn að taka þátt í starfi Alþjóðasamtakanna. Þeir sem hafa áhuga á að bjóða sig fram er bent á að hafa samband við stjórn FIE fyrir 12. september (fie@fie.is)

Nánari upplýsingar um framboðsferli og verkefni stjórnar og nefnda er að finna hér: https://global.theiia.org/…/…/Pages/Call-for-Volunteers.aspx

Kæru félagsmenn,

Nú er sextánda starfsár félagsins að hefjast og hefur stjórn félagsins sett saman fræðsluáætlun fyrir veturinn með fjölbreyttu fundarefni fyrir félagsmenn.

Á fyrsta fundi vetrarins munu höfundar að samanburðarrannsókn um innri endurskoðun hjá hinu opinbera á Norðurlöndunum segja frá sér og fjalla starfsumhverfið sitt. Haustráðstefnan mun fjalla um netöryggi og verður haldin í lok september að þessu sinni.  Gaman er að segja frá því að þátttakan er mjög góð, aðeins 3 sæti eru laus, og því er hver að verða síðastur til að skrá sig.

Í nóvember verður fundur um siðareglur og viðskiptasiðferði. Stjórnin vill nota tækifærið og minna faggilta félagsmenn á að þeim ber að sækja sér 2 einingar á sviði siðfræði á hverju ári. Í janúar ætlum við að fjalla um breytingar á alþjóðlegum leiðbeiningum fyrir fjármálafyrirtæki og samanburðarkönnun um stöðu innri endurskoðunar á Norðurlöndunum. Í mars verður síðan fjallað um klassískt viðfangsefni innri endurskoðunar - misferli.  Nánari upplýsingar um hvern viðburð verða sendar félagsmönnum þegar nær dregur.

Stjórnin hvetur félagsmenn til að taka frá dagana 8-10. maí 2019 en þá mun félagið í fyrsta skipti standa að alþjóðlegri ráðstefnu – Nordic Light. Ráðstefnan mun fara fram á Hilton Reykjavík Nordica og er líklegt að yfir 200 manns muni sækja hana frá öllum Norðurlöndunum.  Paul Sobel, formaður COSO nefndarinnar og Richard Chambers, forstjóri IIA hafa báðir staðfest þátttöku sína á ráðstefnunni.  Þar sem þetta er einn stærsti viðburður sem félagið hefur staðið að verður enginn Innri endurskoðunardagur haldinn á næsta ári.

Enn hefur ekki tekist að fá félagsmenn til þátttöku í fræðslunefnd eða faghópum. Stjórnin sinnir fræðslustarfinu eins og er en hvetur félagsmenn til að taka þátt í starfi félagsins. Þeir sem hafa t.d. áhuga á að skipuleggja einn fund á vegum félagsins er bent á að hafa samband við stjórnina (fie@fie.is).

FRÆÐSLUÁÆTLUN 2018-2019