Ný stjórn FIE

Aðalfundur Félags um innri endurskoðun var haldin þann 21 maí 2014. Sem hluti af dagskrá aðalfundar þá voru kosnir nýjir félagmenn í stjórn en að þessu sinni hættu þrír stjórnarmenn eftir tveggja ára setu í stjórn. Þau þrjú sem komu ný inn í stjórn eru : Kristín Kalmansdóttir , Sif Einarsdóttir og Guðjón Viðar Valdimarsson. Á fyrsta stjórnarfundi nýrrar stjórnar sem haldin var þann 27 maí 2014 skipti stjórn með sér verkum.

Formaður stjórnar er Ágúst Hrafnkelsson

Ritari er Sif Einarsdóttir

Gjaldkeri Hrefna Gunnarsdóttir

og meðstjórnendur Kristín Kalmansdóttir og Guðjón Viðar Valdimarsson

Jafnframt voru formenn nefnda kosnir og þau eru :

Viðar Kárason, formaður fræðslunefndar

Ástráður Karl Guðmundsson, formaður alþjóðanefndar

Ingi K. Magnússon, formaður siðanefndar

Auðbjörg Friðgeirsdóttir, formaður útbreiðslunefndar

Aðalfundur FIE – 21. maí 2014

Aðalfundur Félags um innri endurskoðun verður haldinn á Grand Hótel Reykjavík miðvikudaginn 21. maí 2014 kl. 8:30.

Þrír stjórnarmenn eru að ljúka kjörtímabili sínu og ganga úr stjórn. Félagsmenn sem eru tilbúnir að leggja sitt af mörkum til að halda uppi öflugu starfi hjá félaginu eru hvattir til að bjóða sig fram til stjórnar- og nefndarsetu. Æskilegt er að áhugasamir hafi samband við stjórn fyrir 15. maí nk. til að auðvelda undirbúning kosninga, þótt einnig verði hægt að bjóða sig fram á fundinum. Samkvæmt samþykktum eru formenn fastanefnda kjörnir á aðalfundi, en þeir fá í lið með sér áhugasama félagsmenn til að starfa í nefndunum.

Dagskrá:

1.      Skýrsla um störf félagsins á liðnu ári.
2.      Reikningar félagsins lagðir fram til samþykktar.
3.      Breytingar á samþykktum. (tillögur um breytingar)
4.      Kosning stjórnar. *)
5.      Kosning formanna nefnda skv. 7. gr.
6.      Kosning endurskoðanda annað hvert ár. *)
7.      Ákvörðun félagsgjalds.
8.      Önnur mál.

*) Athugið að ef tillögur um breytingar á samþykktum félagsins ná fram að ganga breytast heiti þessara dagskrárliða til samræmis við uppfærðar samþykktir.

Boðið verður uppá morgunverð.

Morgunverðarfundur 7. maí 2014

Fræðslunefnd Félags um innri endurskoðun stendur fyrir morgunverðarfundi miðvikudaginn 7. maí nk. Efni fundar er tvíþætt, annars vegar COSO og hinsvegar Lean.

Sif Einarsdóttir yfirmaður innri endurskoðunar hjá Deloitte fer yfir COSO-regluverkið með breytingum 2013, helstu breytingar frá eldri útgáfu og hvernig innri endurskoðendur geta notfært sér regluverkið í sinni vinnu.

Sigríður Guðmundsdóttir innri endurskoðandi Marel kynnir beitingu Lean-aðferðafræðinnar í innri endurskoðun.

Fundurinn verður haldinn á Grand Hótel Reykjavík. Að venju er boðið upp á morgunverð frá kl. 8:00 og hefst fundurinn kl. 8:30. Aðgangseyrir er kr. 2.800. Vinsamlegast tilkynnið um þátttöku á fie@fie.is fyrir þriðjudaginn 6. maí.

Ný nefnd á vegum félagsins – útbreiðslunefnd

Stjórn félagsins telur mikilvægt að efla kynningu á innri endurskoðun og félaginu meðal innlendra aðila sem standa utan félagsins. Stjórn félagsins hefur því ákveðið á grundvelli 7. gr. samþykkta félagsins að setja á stofna sérstaka útbreiðslunefnd.  Markhópur útbreiðslunefndar skulu vera innlendir aðilar sem standa utan félagsins.  Markhópur fræðslunefndar eru félagsmenn í FIE og markhópur alþjóðanefndar eru alþjóðlegir samstarfsaðilar og systurfélög FIE.  Stjórn félagsins hefur sett þessari nýju nefnd erindisbréf sem er að finna hér á heimasíðunni.   Stjórnin hefur jafnframt skipað Auðbjörgu Friðgeirsdóttur sem formann nefndarinnar og mun hún velja aðra nefndarmenn.  Þeir félagsmenn sem áhuga hafa á því að taka þátt í nefndinni er bent á að hafa samband við Auðbjörgu í síma 840 5369.

Ráðstefna um samtímaeftirlit og endurskoðun – 26. maí kl. 8-17.

Háskólinn í Reykjavík, í samvinnu við Rutgers University, heldur alþjóðlega ráðstefnu um samtímaeftirlit og endurskoðun (continuous monitoring and auditing).
Innlendir og erlendir fræðimenn sem og ytri og innri endurskoðendur halda erindi um innihald samtíma eftirlitstækni, strauma og stefnur í samtímaeftirliti, reynslu íslenskra fyrirtækja, samtímaeftirlit í minni fyrirtækjum, samtímaendurskoðun og rauntíma skýrslugerð.
Farið verður yfir aðferðafræðina og tæknina á bak við samtímaeftirlit og samtímaendurskoðun. Ennfremur hvernig notkun samtímaeftirlits getur aukið öryggi, minnkað áhættu, styrkt og einfaldað endurskoðunarferlið og stuðlað að bættum stjórnunarháttum innan fyrirtækja.
Skráning fer fram á vef ráðstefnunnar: www.30wcars.org þar sem ýtarlega dagskrá er einnig að finna.

Endurskoðunardagur FLE 2014

Endurskoðunardagur Félags löggiltra endurskoðena (FLE) verður haldinn á Grand hóteli, föstudaginn 11. apríl kl. 8:30 - 12:30. SKRÁ MIG HÉR. Dagurinn hefst með því að Sturla Jónsson formaður FLE setur ráðstefnuna og að því loknu tekur Jón Rafn Ragnarsson við og fjallar um einföldun á endurskoðun lítilla fyrirtækja. Svo fjallar Úlfar Andri Jónasson um vinnugögn, varðveislu þeirra og upplýsingaöryggi. Þá tekur Diana Hillier við og fjallar um mikilvægi endurskoðunar, þróun mála og áherslur ESB á endurskoðunarmarkaðinum. Að erindi hennar loknu mun Elín Hanna Pétursdóttir tala um ákvörun mikilvægismarka og að endingu horfir Alexander G. Eðvarðsson um öxl þegar hann fjallar um endurskoðun í gamla daga. Endurskoðunardagurinn er öllum opinn og gefur félagsmönnum 4 einingar í endurskoðun. Ráðstefnugjald er kr. 22.000 fyrir félagsmenn FLE, starfsmenn þeirra og félagsmenn FIE en kr. 27.000 fyrir aðra. Hér má sjá nánari dagskrá.