Aðalfundur FIE

Aðalfundur FIE verður haldinn 28. maí 2019 kl. 11-12 í Veröld hús Vigdísar. Að fundi loknum verður boðið upp á léttan hádegismat og umræður um áherslur á komandi starfsári.Vinsamlegast tilkynnið um mætingu (fie@fie.is) vegna áætlunar á veitingum fyrir hádegi mánudaginn 27. maí.

Dagskrá aðalfundar:

1. Skýrsla um störf félagsins á liðnu ári.

2. Reikningar félagsins lagðir fram til samþykktar.

3. Breytingar á samþykktum. (Sjá tillögu að breytingu neðst í þessum pósti)

4. Kosning stjórnarmanna.

5. Kosning formanna nefnda skv. 7. gr.

6. Kosning skoðunarmanns annað hvert ár.

7. Ákvörðun félagsgjalds.

8. Önnur mál.

Stjórnin minnir á að allir geta boðið sig fram til stjórnarsetu og hvetur þig eindregið til að íhuga það. Enn fremur hvetur stjórnin félagsmenn til að gefa kost á sér til starfa í nefndum og faghópum á vegum félagsins. Áhugasamir félagsmenn geta haft samband við stjórn félagsins en einnig er hægt að bjóða sig fram á fundinum.

Stjórn FIE

Tillaga að breytingu á samþykktum sem lögð er fyrir aðalfund

Lagt er til að 1. mgr. 6. gr. samþykktanna verði breytt úr:

„Stjórn félagsins skal kosin á aðalfundi sem haldinn skal í maí ár hvert. Kosningar skulu vera skriflegar sé þess óskað. Stjórn félagsins skal skipuð 5 félagsmönnum og skulu þeir skipta með sér verkum. Til að stjórnarfundur sé ákvarðanabær skal meirihluti stjórnarmanna sitja fundinn. Þátttaka í stjórnarfundi í gegnum fjarfundabúnað er heimil. Starf stjórnar skal vera ólaunað en félagið ber kostnað af störfum þeirra. Láti stjórnarmaður af störfum á kjörtímabilinu skal boða til félagsfundar skv. 4. gr. og kjósa mann í stjórn til þess að starfa út kjörtímabil þess sem lét af störfum.“

í

„Stjórn félagsins skal kosin á aðalfundi sem haldinn skal í maí ár hvert. Kosningar skulu vera skriflegar sé þess óskað. Stjórn félagsins skal skipuð 5 félagsmönnum og skulu þeir skipta með sér verkum. Til að stjórnarfundur sé ákvarðanabær skal meirihluti stjórnarmanna sitja fundinn. Þátttaka í stjórnarfundi í gegnum fjarfundabúnað er heimil. Starf stjórnar skal vera ólaunað en félagið ber kostnað af störfum þeirra. Láti stjórnarmaður af störfum á kjörtímabilinu skal boða til félagsfundar skv. 5. gr. og kjósa mann í stjórn til þess að starfa út kjörtímabil þess sem lét af störfum.“

Nordic Light 2019

Á myndinni eru: Paul Sobel formaður COSO, Naohiro Mouri formaður Global IIA, Ingunn Ólafsdóttir formaður IIA Iceland, Anna Margrét Jóhannesdóttir og Ágúst Hrafnkelsson ráðstefnunefnd.

Nordic Light fór fram dagana 8-10. maí á Hótel Hilton en hún er haldin annað hvert ár í samstarfi við hin IIA félögin á Norðurlöndunum. Ráðstefnan fór fram í fyrsta skipti í Svíþjóð árið 2015 og síðan í Finnlandi árið 2017. Að þessu sinni sóttu um 100 manns frá um 12 löndum. Í boði voru yfir 24 fyrirlestrar á fjölmörgum sviðum innri endurskoðunar. Heiðursgestir voru Naohiro Mouri, stjórnarformaður Alþjóðasamtaka innri endurskoðenda, Richard Chambers, forseti samtakanna og Paul Sobel, stjórnarformaður COSO og fyrrverandi stjórnarformaður Alþjóðasamtakanna. Ráðstefnan gekk vonum framar og þökkum við fyrirlesurum fyrir að miðla sinni sérþekkingu og reynslu og málstofustjórum fyrir að halda vel utan um umræðurnar. Þá vill stjórnin sérstaklega þakka ráðstefnunefndinni, Ágústi Hrafnkelssyni og Önnu Margréti Jóhannesdóttur, fyrir sína vinnu en hún á heiður skilið fyrir að skipulagningu á fyrstu alþjóðlegu ráðstefnu félagsins.

Hér eru nokkrar myndir af ráðstefnunni:

Norrænir innri endurskoðendur í opinbera geiranum hittust á fundi daginn fyrir ráðstefnuna og ræddu saman m.a. um mögulegt samstarf milli landanna.

Ráðstefnan byrjaði með kokteilboði kvöldið áður í Ásmundarsafni.

Hér eru myndir af ráðstefnunni:

Tveir nýir faggildir innri endurskoðendur

Nú í maí hafa tveir starfsmenn innri endurskoðunar Landsbankans þau Axel Blöndal og Sonja Kristín Jakobsdóttir lokið CIA prófi hjá Alþjóðasamtökum innri endurskoðenda.

Stjórn FIE óskar Axel og Sonju innilega til hamingju með faggildinguna!!

Nánar:

Sonja útskrifaðist sem Cand.Oecon í viðskiptafræði, reikningsskilum og endurskoðun frá Háskóla Íslands árið 2000 og M.Acc árið 2006. Hún hefur starfað hjá innri endurskoðun Landsbankans frá 2007.

Axel er með B.Sc. í tölvunarfræði, Cand.Oecon í viðskiptafræði, fjármálum og endurskoðun frá Háskóla Íslands og MBA í stjórnun frá University of Navarra. Hann hefur starfað hjá innri endurskoðun Landsbankans frá 2011.

Næstu viðburðir